ꓬꓲꓸ ꓪꓴꓸ ꓕꓲ ꓧꓪꓹ ꓠꓴꓚꓚ (National Unity Consultative Council) ꓓꓳ ꓐꓯ ꓑꓶ ꓜꓲꓼ ꓓꓴ ꓔꓯ 2021 ꓘꓳꓼ 11 ꓦ 16 ꓠꓬꓲ ꓕꓯꓽ ꓬꓰ ꓓꓴ ꓥꓳ ꓐꓰ ꓠꓴꓚꓚ ꓡꓰ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓠ ꓡꓲ 9:30 ꓗꓪ ꓐꓰ 11:30 ꓗꓪ ꓛꓲ ꓬꓰ ꓠꓹ ꓟ ꓙ ꓖꓶ ꓔ ꓢꓲ꓾ ꓡ ꓠꓹ ꓟ ꓝꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓮ ꓡꓲ ꓫꓬꓹ ꓔꓶ ꓠꓹ ꓟ ꓬꓲꓸ ꓟꓳ ꓡꓱꓽ ꓐꓯ ꓟꓳꓸ ꓖꓶ ꓓꓴ ꓥꓳ ꓐꓯ ꓡꓳ꓿
ꓠꓴꓚꓚ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓥ ꓟ ꓳꓸ-ꓟꓰꓹ-ꓗꓳ-ꓠꓮꓲꓽ꓾ ꓮꓳ-ꓢꓸ-ꓟꓲꓼ꓾ ꓑ-ꓓꓳ ꓢꓳꓸ-ꓔꓳ-ꓠꓲꓸ꓾ ꓓꓳ-ꓔ ꓡꓲꓮ-ꓟꓳ-ꓢ-ꓘꓳꓥꓸ꓾ ꓓꓳ-ꓔ ꓔꓯ-ꓜ-ꓢꓸ꓾ ꓳꓸ-ꓡꓱ-ꓗꓳ-ꓡꓼ꓾ ꓳꓸ-ꓠ-ꓓ-ꓢꓲꓼ-ꓮꓳꓽ꓾ ꓳ-ꓘꓼ-ꓪꓯꓽ-ꓑꓬꓳ ꓐꓰ꓾ ꓡꓱꓸ-ꓑꓳꓸ-ꓥꓯꓽ ꓐꓴ ꓡꓰ ꓠꓻ ꓠꓬꓲ ꓘꓶꓽ ꓒꓳꓹ ꓖꓶ ꓓꓴ ꓥꓳ ꓐꓯ ꓡꓳ꓿
ꓠꓴꓚꓚ ꓠꓬ ꓜꓴ ꓮ ꓙꓵꓽ ꓟ ꓪꓴꓸ ꓓꓵ ꓜꓴ ꓥ ꓢꓲ꓾ ꓗꓴꓷꓼ ꓠꓯꓸꓼ ꓗꓪ ꓟ ꓬꓲꓸ ꓒꓳ ꓬꓲꓸ ꓜꓴ ꓮ ꓙꓵꓽ ꓟ ꓔꓯ ꓗꓪꓼ ꓞꓲ ꓡꓰ ꓠꓹ ꓟ ꓙ ꓖꓶ ꓔꓸ ꓟ ꓥ ꓡꓳ꓿
ꓗꓳꓸ ꓗꓷ ꓟ 10 ꓦ 5 ꓠꓬꓲ ꓕꓯꓽ ꓬꓲꓸ ꓪꓴꓸ ꓕꓲ ꓧꓪꓹ ꓓꓳꓽ ꓐꓯ ꓑꓶ ꓜꓲꓼ ꓓꓴ ꓬꓰ ꓠꓹ ꓟ ꓝꓰꓹ ꓗꓷ ꓥ ꓟꓲ꓾ ꓖꓪ ꓙꓱꓽ ꓙ ꓖꓶ ꓟ ꓟꓽ ꓐꓲ ꓜꓲꓼ ꓢꓰ ꓠꓬꓲ ꓬꓰ ꓟꓽ ꓛꓱꓼ ꓡꓰ꓿
ꓧꓶꓸ ꓕꓯꓽ ꓕꓱ ꓡꓱꓳ ꓫꓵꓽ ꓓꓳꓽ ꓐꓯ ꓑꓶ ꓜꓲꓼ ꓓꓴ ꓬꓰ ꓡ ꓕꓯꓽ ꓕꓲ ꓗꓴꓷꓼ ꓡꓱꓸꓼ ꓮ ꓔꓳꓸ ꓢꓰꓼ ꓡ ꓗꓴꓸ ꓡꓳ꓿
