ꓶ ꓤ ꓶ ꓟꓲ ꓒꓵꓽ ꓮ ꓘꓶꓸ ꓓꓯ ꓡ ꓔꓬ ꓖꓶ ꓠꓰ꓾ ꓗꓴꓷꓼ ꓘꓴ ꓗꓪ ꓜꓽ ꓫꓵ ꓓꓳ ꓫꓵꓽ ꓔꓶ ꓜ ꓔꓶ ꓓꓳ ꓐ ꓡ ꓟ ꓑꓶꓸ ꓙꓲ ꓣꓴ ꓓꓴ ꓟꓽ ꓙꓳ ꓐꓰ꓾ ꓗꓴꓷꓼ ꓙꓵꓽ ꓪ ꓣꓴ ꓢꓴ ꓟꓯꓼ ꓜꓲꓽ ꓖꓽ ꓟꓰꓹ-ꓮꓳ-ꓡꓮꓲꓽ ꓡꓰ 2021 ꓘꓳꓼ 8 ꓦ 30 ꓠꓬꓲ꓾ ꓠꓯ-ꓑꓲ-ꓓꓳ ꓗꓪ ꓬꓰ ꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓩꓴ ꓡ ꓡꓳ ꓐꓰ ꓗꓴꓷꓼ ꓫꓵꓽ ꓓꓳꓽ ꓕꓳ ꓶ ꓗꓪ ꓐꓳ ꓒꓬꓱꓺ ꓩꓴ ꓡ ꓡꓳ=
ꓝꓮꓲ ꓕꓲ ꓒꓳꓹ ꓗꓪ ꓠꓬ꓾ ꓗꓴꓷꓼ ꓙꓵꓽ ꓪ ꓦꓴ ꓡ ꓟ ꓑꓶꓸ ꓓꓴ ꓗꓴꓷꓼ ꓗꓪ ꓶ ꓡꓯꓼ ꓜꓴ ꓐꓴ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓠꓬꓲꓽ ꓗꓴꓷꓼ ꓶ ꓡꓯꓼ ꓒꓴ ꓓꓵꓽ ꓡ ꓚꓱꓹ 18% ꓞꓰ ꓡꓰꓳ ꓐꓰ ꓟꓲ ꓠꓯ ꓒꓴ ꓞꓳꓽ ꓦꓲ ꓓꓽ ꓟ (World Bank) ꓡꓰ ꓐꓯ ꓔ ꓡꓳ= ꓝꓮꓲ ꓐꓶꓽ ꓗꓴꓷꓼ ꓗꓪ ꓐꓰ ꓡ ꓟ ꓶ ꓡꓯꓼ ꓜꓴ ꓐꓴ ꓓꓳ ꓡꓽ ꓙꓰ ꓟ ꓐꓰ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓟ ꓑꓶꓸ ꓓꓴ ꓡ ꓠꓹ ꓟ 2-3 ꓦ ꓐ ꓘꓴꓽ ꓗꓪ ꓗꓴꓷꓼ ꓡ ꓞꓳ 3ꓸ4 ꓢꓯꓹ ꓠꓬ ꓜꓽ ꓓꓴ ꓟꓽ ꓙꓳ ꓦꓰꓼ ꓟꓷꓼ ꓡ ꓥꓳ ꓐꓰ ꓟꓲ ꓠꓯ ꓜꓽ ꓓꓴ ꓜꓴ (World Food Program) ꓡꓰ ꓢꓪꓼ ꓔꓸ ꓡꓳ=
