2026 ꓘꓳꓼ 1 ꓦ 3 ꓠꓬꓲ ꓠꓯꓼ 2 ꓙꓵꓹ ꓛꓲ ꓕꓯꓽ ꓴꓢ ꓟꓯꓼ ꓙꓱ ꓦꓲ ꓡꓰ ꓐ-ꓠꓰ-ꓜꓱ-ꓡ ꓡꓳ ꓒꓱ ꓓꓽ ꓟ ꓗ-ꓣ-ꓗ-ꓢꓲ ꓗꓪ ꓐꓳꓽ ꓞꓰ ꓩꓴꓳ꓾ ꓐꓰ ꓓꓳꓽ ꓜꓳˍ ꓡꓳ꓿
ꓬꓲꓼ ꓡ ꓩꓽ ꓡ ꓟ ꓶ ꓤ ꓶ ꓟꓲ ꓘꓴꓽ ꓘꓴꓽ ꓠꓯ ꓠꓯ ꓶ ꓡꓯꓼ ꓬꓰ ꓔꓬ ꓟ ꓑꓶꓸ ꓓꓴ ꓴꓢꓮ ꓗꓴꓷꓼ ꓡ ꓞꓳ ꓔꓯ ꓘꓶ ꓡꓶꓽ ꓡ ꓠꓬꓲ ꓟꓸ ꓙꓽ ꓓꓴ ꓥꓳ꓾ ꓐꓰ ꓴꓢ ꓗꓴꓷꓼ ꓪꓴꓸ ꓓꓵ ꓕꓼ-ꓣꓼ ꓡꓰ ꓟꓽ ꓟꓽ ꓠꓽ ꓐꓯ ꓩꓴ ꓡ ꓗꓸ ꓠꓯꓸ ꓕꓱ ꓡꓱ ꓒꓬꓱꓼ ꓡ ꓟ ꓥ ꓡꓳ꓿
ꓐꓳꓽ ꓞꓰ ꓓꓳ ꓗꓸ ꓠꓯꓸ ꓟꓯꓼ ꓞꓽ ꓒꓳꓽ ꓮ ꓟꓬꓹ ꓥ ꓟꓲ ꓖꓳ ꓗꓪ ꓚꓳꓸ ꓡ ꓔꓬꓳ꓾ ꓐꓯ ꓡꓳ꓿
ꓝꓮꓲ ꓓꓳꓽ ꓕꓲ ꓟ ꓗꓪ ꓠꓬ ꓟ-ꓓꓴ-ꓣꓳ ꓐꓰ ꓬꓲꓸ ꓦꓲ ꓢꓲ ꓟ ꓔꓯ ꓣꓴ ꓟꓶ ꓡꓰ ꓢꓲꓸ ꓗꓴꓷꓼ ꓗꓪ ꓐꓰ ꓧꓳꓽ ꓓꓳ ꓙꓰꓳ꓾ ꓐꓯ ꓔꓸ ꓡꓳ꓿
ꓐ-ꓠꓰ-ꓜꓱ-ꓡ ꓗꓴꓷꓼ ꓙꓵꓽ ꓢꓴ ꓟ-ꓓꓴ-ꓣ ꓠꓬ ꓗꓴꓷꓼ ꓔꓯ ꓜꓲꓽ ꓜꓲꓽ ꓑꓰꓹ ꓑꓰꓹ ꓙꓵꓽ ꓢꓴ ꓥ ꓡꓳ꓾ ꓬꓲꓼ ꓡ ꓟ ꓬꓲꓸ ꓫꓵ ꓬꓲ ꓙꓰ ꓶ ꓡꓯꓼ ꓬꓰ ꓢꓴ ꓔꓯ ꓧꓳꓽ ꓢꓴ/ ꓗꓽ ꓙ ꓢꓴ ꓥ ꓡꓳ꓾ ꓬꓲꓸ ꓗꓴꓷꓼ ꓘꓴꓽ ꓗꓪ ꓐꓰ ꓓꓳ ꓬꓰˍ ꓠꓬ ꓗꓴꓷꓼ ꓔꓯ ꓟꓽ ꓓꓶꓽ꓾ ꓟꓽ ꓥ ꓠꓬ ꓓꓶꓽ ꓠ ꓗꓷ ꓡꓰ ꓥꓳ ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓴ ꓕ-ꓣꓼ ꓡꓰ ꓗꓹ ꓫꓵꓸ ꓔꓸ ꓟ ꓙꓳˍ ꓡꓳ꓿
