2022 ꓘꓳꓼ 3 ꓦ 8 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓴꓢꓮ ꓡꓰ ꓣ-ꓫꓸ ꓬꓯꓼ ꓠ ꓶ ꓡꓯꓼ ꓚꓱꓹ ꓔꓯ ꓑꓲꓸ ꓞꓲꓽ ꓗꓷꓳ꓿
“ꓠꓬꓲꓸ ꓠꓬꓲ ꓴꓢꓮ ꓠꓬ ꓣ-ꓫꓸ ꓫꓵꓽ ꓙꓴꓽ ꓓꓽ ꓟ ꓔꓯ ꓑꓲꓸ ꓞꓲꓽ ꓩꓴ ꓓꓴ ꓬꓰ ꓗꓷꓳ ꓐꓰ ꓥꓪ ꓢꓷ ꓙ ꓟꓴ ꓙ ꓥꓳ” ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓴ ꓙꓳ-ꓐ-ꓓꓲ ꓡꓰ ꓐꓯˍ ꓡꓳ꓿
ꓣ-ꓫꓸ ꓬꓯꓼ ꓠ꓾ ꓙꓼ ꓞꓶ ꓶ ꓡꓯꓼ ꓚꓱꓹ ꓔꓯ ꓣ-ꓫꓸ ꓗꓴꓷꓼ ꓢꓯꓸ ꓔꓬ ꓠꓹ ꓟ ꓢꓯꓼ ꓟꓬ ꓫꓵꓽ ꓙꓴꓽ ꓡꓰ ꓐꓰ ꓔꓯꓺ ꓔꓸ ꓟ ꓥ ꓡꓳ꓿
“ꓣ-ꓫꓸ ꓗꓴꓷꓼ ꓗꓪ ꓐꓰ ꓡˍ ꓟ ꓬꓯꓼ ꓠ ꓐꓰ ꓙꓼ ꓞꓶ ꓬꓲ ꓫꓵ ꓬꓲ ꓙꓰꓽ ꓮ ꓙꓵꓽ ꓔꓯ ꓴꓢꓮ ꓟꓵꓽ ꓗꓪ ꓟꓽ ꓓꓵꓽ ꓝꓲꓳ꓿ ꓑꓴ-ꓔꓲ ꓟꓯꓼ ꓢꓰꓼ ꓔꓬ ꓟ ꓔꓯ ꓓꓶꓽ ꓠꓻ ꓡꓰ ꓝꓲ ꓓꓴ ꓕꓲ ꓚꓱꓹ ꓥꓳ” ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓴ ꓙꓳ-ꓐ-ꓓꓲ ꓡꓰ ꓢꓷ ꓙ ꓟꓴ ꓙ ꓗꓷꓳ꓿
ꓕꓱ ꓟ ꓑꓶꓸ ꓓꓴ ꓴꓢꓮ ꓗꓪ ꓥ ꓟꓲ ꓙꓼ ꓞꓶ ꓒꓵꓽ ꓠꓬ ꓧꓶꓸ ꓕꓯ ꓟ ꓕꓯꓽ ꓢꓲ ꓓꓯꓻ ꓡ ꓔꓬ ꓡꓳ꓿
