ꓴꓢꓮ ꓗꓴꓷꓼ ꓗꓪ ꓚꓲꓸ ꓓꓵꓽ ꓡ ꓢꓴ ꓬꓯꓽ ꓔꓯ ꓘꓴ ꓣꓴ ꓠꓹ ꓟ “ꓬꓯꓽ ꓐꓯ ꓘꓳ ꓣꓴ ꓜꓴ Refugee Welcome Corp” ꓒꓴ ꓚꓱꓹ ꓔꓯ 2023 ꓘꓳꓼ 1 ꓦ 19 ꓠꓬꓲ ꓕꓯꓽ ꓪꓴꓸ ꓔꓴ ꓩꓴꓳ꓿
ꓜꓴ ꓕꓱ ꓕꓲ ꓩꓴꓸ ꓠꓬ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓴꓢꓮ ꓗꓪ ꓓꓵꓽ ꓡ ꓟ ꓬꓯꓽ ꓐꓯꓽ ꓐꓴ ꓔꓯ ꓘꓴ ꓣꓴ ꓟ ꓚꓱꓹ ꓗꓪ ꓴꓢꓮ ꓑ ꓫꓬ ꓐꓴ ꓟꓬꓱꓽ ꓬꓰ ꓔꓺ ꓙ ꓙꓲˍ ꓟ ꓚꓱꓹ ꓥ ꓡꓳ꓿
“ꓬꓯꓽ ꓐꓯꓽ ꓘꓳ ꓣꓴ ꓜꓴ ꓕꓱ ꓕꓲ ꓩꓴꓸ ꓬꓰ ꓓꓳ ꓩꓴ ꓡ ꓟ ꓠꓬ 40 ꓘꓳꓼ ꓟ ꓘꓴꓽ ꓗꓪ ꓬꓲꓸ ꓫꓵꓼ ꓕꓲꓽ ꓫꓵꓽ ꓥ ꓡꓳ꓿ ꓔhe Welcome Corps is the boldest innovation in refugee resettlement in four decades.” ꓐꓯ ꓔꓸ ꓡꓳ꓿
ꓗꓴꓷꓼ ꓑ ꓫꓬ ꓐꓴ 5 ꓣꓳ ꓕꓲꓽ ꓜꓴ ꓒꓴ ꓢꓲꓸ ꓬꓯꓽ ꓐꓯꓽ ꓐꓴ ꓔꓯ ꓘꓳ ꓣꓴ ꓟ꓾ ꓦꓲ ꓥꓪꓸ ꓙ ꓟ꓾ ꓤ ꓠꓱ ꓐꓴ ꓕꓳ ꓶ ꓢꓳ ꓚꓱꓹ꓾ ꓟꓬꓱꓽ ꓬꓰ ꓚꓱꓹ ꓙ ꓖꓴ ꓟꓳꓸ ꓖꓶ ꓟ ꓗꓪ ꓦ ꓐ 3 ꓗꓪ ꓛꓲ ꓒꓴ ꓐꓶ ꓙ ꓢꓲꓸ ꓣꓱꓽ ꓙ ꓔꓺ ꓙ ꓠꓹ ꓟ ꓥ ꓡꓳ꓿ ꓦ ꓐ 3 ꓟ ꓡꓳꓹ ꓬꓰ ꓠꓬ ꓬꓯ ꓐꓯ ꓐꓴ ꓠꓬ ꓚꓲꓸ ꓛꓬ ꓢꓯꓼ ꓕꓵꓼ ꓠ ꓗꓷ ꓡꓰ ꓥꓳ꓿
2023 ꓘꓳꓼ ꓟ ꓘꓴ ꓗꓪ ꓬꓯꓽ ꓐꓯꓽ 120000 ꓣꓳ ꓔꓯ ꓘꓳ ꓣꓴ ꓐ ꓡ ꓠꓹ ꓟ ꓥꓳ ꓡꓳꓸ ꓔꓬ ꓡꓳ꓾ ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓐꓯ ꓔꓸ ꓡꓳ꓿
“ꓡꓮꓮ ꓗꓪ ꓟ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓥ ꓟꓲ ꓕꓱ ꓟ ꓔꓯ ꓓꓵꓽ ꓙ ꓔꓬ ꓐꓷˍ ꓥꓳ꓿ ꓥꓪ ꓠꓴ ꓗꓳ-ꓡꓳ-ꓣ-ꓓꓳ ꓗꓪ ꓥ ꓟꓲ ꓖꓪ ꓙꓱ ꓡꓯ ꓘꓳ ꓔꓬ ꓡꓳ” ꓐꓰ ꓗꓳ-ꓡꓳ-ꓣ-ꓓꓳ ꓡꓲ-ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓬꓲꓸ ꓪꓴꓸ ꓠꓬ ꓬꓯꓽ ꓐꓯꓽ ꓥ ꓟ ꓚꓲꓸ ꓚ ꓖꓴ ꓔꓸ ꓢꓴ ꓐꓴ ꓔꓯ ꓘꓴ ꓠꓹ ꓟ꓾ ꓝꓮꓲ ꓠꓬ ꓬꓲꓸ ꓪ ꓡꓰ ꓘꓴ ꓝꓲ ꓟꓴ ꓢꓱ ꓢꓴ ꓔꓯ ꓘꓴ ꓖꓶ ꓐ ꓡ ꓠꓹ ꓟ ꓚꓱꓹ ꓝꓰꓸ ꓔꓸ ꓟ ꓥ ꓡꓳ꓿
ꓬꓲꓸ ꓚꓰ꓾ https://www.state.gov/launch-of-the-welcome-corps-private-sponsorship-of-refugees-2/
