2021 ꓘꓳꓼ 11 ꓦ 10 ꓠꓬꓲ ꓟꓶ ꓘꓶꓼ 8 ꓙꓵꓹ ꓕꓯꓽ ꓛꓰꓸ ꓒꓽ ꓟꓵ꓾ ꓗ-ꓡꓯꓹ ꓡꓳ ꓒꓱ꓾ ꓐꓱ-ꓕ-ꓠꓲ ꓠꓯ ꓞꓲꓼ ꓦꓲ ꓗꓪ ꓳ-ꓢꓲ-ꓙꓲ ꓕꓴꓽ ꓑꓳꓺ ꓐꓶꓽ ꓡ ꓢꓲ ꓟꓸ ꓒꓽ Lalduhawma ꓐꓰ ꓬꓲꓸ ꓦꓲ ꓢꓲ ꓟ ꓠꓬꓲꓽ ꓣꓳ ꓡꓱꓸꓼ ꓢꓲꓺ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰꓳ ꓐꓰ ꓚꓧꓲꓠ ꓚꓮꓐꓡꓰ ꓠꓰꓔꓪꓳꓣꓗ ꓚꓧꓮꓠꓠꓰꓡ ꓗꓪ ꓐꓳ ꓔ ꓡꓳ꓿
“ꓙꓼ ꓦꓲ ꓙꓲ ꓙꓲ ꓗꓪ ꓐꓰ ꓟꓽ ꓫꓬꓹ ꓔꓸ ꓟ꓾ ꓟꓽ ꓙꓲˍ ꓟ ꓳ-ꓢꓲ-ꓙꓲ ꓕꓴꓽ ꓠꓬ ꓮ ꓘꓶꓸ ꓙꓲ ꓣꓴ ꓓꓴ ꓙꓳ ꓡꓳ꓿ ꓮ ꓔꓳꓸ ꓥ ꓟꓲ ꓙꓬ ꓐ ꓡ꓾ ꓑꓳ ꓥ ꓟꓲ ꓑꓳ ꓢꓰꓸ ꓐ ꓡ ꓡꓳ꓿ ꓥꓰꓸ ꓢꓯꓼ ꓑꓣꓰꓢꓢꓴꓣꓰ ꓮ ꓘꓶꓸ ꓟꓬꓽ ꓟ ꓑꓶꓸ ꓓꓴ ꓐꓶꓽ ꓡ ꓠꓬ ꓐꓳꓽ ꓕꓲ ꓢꓶꓽ ꓡꓰ ꓐꓰ ꓥꓳ” ꓐꓰ ꓗꓳ-ꓪꓰꓼ ꓠꓻ ꓢꓴ ꓔꓯ ꓬꓰ ꓙ ꓔꓬ ꓟ ꓠꓯ ꓞꓲꓼ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓢꓳꓴꓣꓚꓰ- ꓚꓧꓲꓠ ꓚꓮꓐꓡꓰ ꓠꓰꓔꓪꓳꓣꓗ ꓚꓧꓮꓠꓠꓰꓡ
