ꓙ-ꓑ ꓟꓵꓽ ꓔꓳ-ꓚꓳ ꓗꓪ ꓳ-ꓡ-ꓑꓲꓼ ꓡꓳ ꓖꓪ ꓑꓮꓲ 2021 ꓪꓴꓸ ꓔꓴ ꓒꓴ ꓑꓮꓲ ꓔꓯ ꓦꓹ ꓠꓯꓼ 7 ꓦ 23 ꓠꓬꓲ ꓗꓪ ꓬꓰ ꓓꓴ ꓥꓳ꓿
ꓖꓳ ꓗꓪ ꓡꓳ ꓖꓪ ꓚꓱꓹ ꓧꓳꓽ ꓢꓴ ꓐꓴ꓾ ꓡꓳ ꓖꓪ ꓢꓴ ꓐꓰ꓾ ꓓꓳꓽ ꓕꓳ ꓶ ꓐꓳ ꓢꓴ ꓐꓴ ꓮ ꓡ 950 ꓣꓳ ꓛꓲ ꓜꓲꓼ ꓓꓴ ꓥꓳ ꓐꓯ ꓡꓳ꓿
ꓚꓳꓦꓲꓓ-19 ꓦꓬꓼ ꓠꓬꓲ ꓗꓪ ꓬꓰ ꓠ ꓗ ꓠꓬꓲ꓾ ꓓꓵ ꓙ ꓤ ꓟꓳ ꓫꓸ ꓓꓴ ꓬꓲ ꓫꓵ ꓬꓲ ꓙꓰ ꓐꓯ ꓖꓴ ꓟꓽ ꓓ꓿ ꓧꓶꓸ ꓕꓯ ꓦꓬꓼ ꓠꓬꓲ ꓡꓰ ꓐꓰ ꓪ ꓧꓷꓼ ꓪ ꓡꓲ ꓗꓹ ꓛꓲ ꓛꓲ ꓡ ꓢꓴ꓾ ꓡꓳ ꓖꓪ ꓢꓴ ꓔꓯ ꓢꓯꓼ ꓖꓶ ꓡ ꓢꓴ ꓮ ꓘꓶꓸ ꓗꓸ ꓟꓽ ꓘꓳꓽ ꓡꓰꓳ꓿ ꓡꓳ ꓖꓪ ꓔꓯꓺ ꓠꓹ ꓟ ꓡ ꓢꓴ ꓐꓴ ꓔꓯ ꓚꓳꓦꓲꓓ-19 ꓚꓹ ꓠꓬꓲ ꓕ: 87 ꓣꓳ ꓚꓹ ꓟꓳ ꓡꓰꓳ꓿
ꓮ ꓡꓲ ꓐꓯ ꓡꓲꓸ ꓐꓯ ꓟꓳꓸ ꓙ ꓔꓸ ꓟ ꓡꓳ ꓚ ꓡꓳ ꓖꓪ ꓑꓮꓲ ꓬꓰ ꓙꓰ ꓓꓴ ꓥꓳ ꓐꓰ꓾ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓡꓰꓽ ꓐꓯ ꓡꓳ꓿
ꓳ-ꓡ-ꓑꓲꓼ (Olympic) ꓠꓬ ꓦꓲ-ꓡꓲ (ꓖꓶ-ꓬꓲꓼ ꓟꓵꓽ- Greece) ꓳ-ꓡ-ꓑꓲ-ꓬ (Olympia) ꓪ ꓚꓵ ꓗꓪ ꓧꓶꓸ ꓕꓯ 3000 ꓘꓳꓼ ꓟꓽ ꓞꓲ ꓕꓯ ꓡꓰ ꓡꓳ ꓖꓪ ꓚꓱ, ꓬꓲ ꓫꓵ ꓬꓲ ꓙꓰꓽ ꓔꓯꓺ ꓡꓯ ꓘꓳ ꓩꓴ ꓡ ꓟ ꓥ ꓢꓲ꓾ ꓮ ꓟꓶ ꓠꓬ ꓟꓵ ꓗꓳꓹ ꓓꓵ ꓓꓵ ꓗꓴꓷꓼ ꓮ ꓟꓬꓹ ꓗꓪ ꓐꓪ ꓡ ꓢꓲ ꓡꓳ ꓖꓪ ꓔꓯꓺ ꓡꓯ ꓘꓳ ꓔꓬ ꓟ꓾ 4 ꓘꓳꓼ ꓕꓲ ꓧꓪꓹ ꓬꓰ ꓟ ꓡꓳ ꓖꓪ ꓑꓮꓲ ꓥ ꓡꓳ꓿
