2022 ꓘꓳꓼ 6 ꓦ 28 ꓠꓬꓲ ꓕꓯꓽ ꓗ-ꓬꓲ ꓟꓵꓽ ꓗꓪ ꓙꓳˍ ꓟ ꓳꓼ-ꓗ-ꓬꓲꓼ-ꓕꓼ ꓟꓬ-ꓟ ꓟꓯꓼ ꓒꓱꓻ ꓔꓯ ꓗ-ꓬꓲ ꓟꓯꓼ ꓠꓰ ꓓꓶꓽ ꓧꓪꓸ ꓡꓰ ꓢꓲꓸ ꓡꓽ ꓛꓴꓸ ꓶ ꓤ ꓬꓲ ꓫꓵ ꓬꓲ ꓙꓰꓽ ꓮ ꓟꓬꓹ ꓣꓴ ꓪ ꓡꓰꓳ꓿
ꓠꓬꓲꓽ ꓛꓱꓽ ꓡꓱꓸꓼ 2-3 ꓠꓬꓲ ꓬꓲꓸ ꓧꓶꓽ ꓔꓳꓼ ꓡꓯ ꓘꓳ ꓗꓷ ꓗꓸ ꓠꓯꓸ ꓫꓵꓻ ꓢꓴ ꓥ ꓟꓲ ꓙꓳ ꓢꓲꓸ ꓟꓬ-ꓟ ꓟꓯꓼ ꓒꓱꓻ ꓗꓪ ꓐꓰ ꓟꓯꓼ ꓐꓴ ꓔꓷꓹ ꓛꓰꓹ ꓙꓰˍ ꓟ ꓐꓰ ꓐꓶ ꓢꓰꓼ ꓟ ꓮ ꓟꓬꓹ ꓙꓳ ꓡꓰꓳ꓾ ꓐꓯ ꓡꓳ꓿
ꓙꓱ ꓦꓲ ꓟꓽ ꓔ ꓔ ꓟꓲ ꓛꓬ ꓗꓪ ꓓꓶꓽ ꓡꓯ ꓘꓳ ꓟ ꓗꓪ ꓠꓬ ꓗ-ꓬꓲ ꓟꓯꓼ ꓮ ꓘꓶꓸ ꓡ ꓔꓲꓺ ꓢꓯꓼ ꓙꓳ ꓔꓬ ꓡꓳ꓾ ꓐꓯ ꓡꓳ꓿
ꓙꓱ ꓦꓲ ꓗꓪ ꓐꓰ ꓓꓶꓽ ꓡ ꓟ ꓔꓯ ꓗꓽ ꓠꓹ ꓟ Dragon Fly Project ꓔꓯ ꓥ ꓟꓲ ꓙꓽ ꓖꓶ ꓔꓬ ꓟ ꓓꓳꓽ ꓜꓳ ꓡ ꓡꓳ꓿ ꓖꓳ ꓡꓱ ꓥ ꓟꓲ꓾ ꓮ ꓕꓯꓽ ꓮ ꓡꓲ ꓗꓪ ꓙꓼ ꓒꓱ ꓔꓶ ꓢꓲꓸ ꓐꓶ ꓡꓽ ꓓꓴ ꓥꓳ꓾ ꓐꓯˍ ꓟ ꓙ ꓖꓴ ꓠꓬ ꓚꓵꓺ ꓘꓶꓽ ꓥ ꓢꓰꓽ ꓡꓳ꓿
ꓬꓲꓸ ꓚꓰ꓾ ꓗꓠꓓꓳ
