ꓬꓥ-ꓖꓳꓥ ꓲ-ꓢꓲ ꓐꓱ ꓓꓴꓽ (Insein Prison) ꓗꓪ ꓡꓴꓽ ꓔꓸ ꓟ ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ ꓠꓬꓲꓸ ꓠꓬꓲ ꓠꓯꓼ ꓠꓯꓼ ꓐꓱ ꓓꓴꓽ ꓘꓴꓽ ꓗꓪ ꓐꓰ ꓒꓳꓹ ꓔꓳꓹ ꓢꓯꓼ ꓘꓴ ꓔꓴ ꓩꓴ ꓡ ꓡꓳ꓾ ꓐꓰ ꓐꓱ ꓓꓴꓽ ꓘꓶꓽ ꓗꓪ ꓔꓬ ꓢꓴ ꓡꓰ ꓐꓯ ꓡꓳ=
“ꓕꓱ ꓟ ꓠꓬ ꓠꓬꓲꓸ ꓤꓲ ꓢꓴ ꓟꓯꓼ ꓐꓴ ꓡꓯꓼ ꓛꓲ ꓗꓪ ꓔꓬ ꓢꓲꓸ ꓒꓳꓹ ꓔꓳꓹ ꓟ ꓑꓶꓸ ꓓꓴ ꓢꓯꓼ ꓟꓬ ꓐꓱ ꓶ ꓙꓲ ꓣꓴ ꓓꓴ ꓙꓳ ꓡꓳ= ꓕꓱ ꓟ ꓔꓯ ꓠꓱꓸ ꓐꓯꓼ ꓗꓴꓷꓼ ꓝꓲ ꓓꓴ ꓐꓴ ꓡꓰ ꓠꓲꓹ ꓞ ꓗꓽ ꓙ ꓠ ꓔꓸ ꓥ= ꓬꓲ ꓪ ꓚꓳꓦꓲꓓ-19 ꓠꓻ ꓔꓬ ꓟ (ꓥ ꓠꓬ) ꓫꓸ ꓓꓴ ꓕꓲ ꓫꓵ ꓫꓵ ꓙꓳ ꓢꓲꓸ ꓘꓴ ꓔꓴ ꓩꓴ ꓡ ꓟ ꓥ ꓡꓲꓸ ꓟꓽ ꓢꓷꓸ= ꓮ ꓡꓲ ꓐꓯ ꓡꓲꓸ ꓐꓯ ꓕꓱ ꓟ ꓠꓬ ꓢꓯꓼ ꓟꓬ ꓔꓯ ꓗꓴꓸ ꓙꓲꓽ ꓙꓳ ꓟ ꓕꓲ ꓫꓵ ꓥꓳ” ꓐꓰ ꓧꓶꓸ ꓕꓯ ꓗꓴꓷꓼ ꓟꓬꓱꓽ ꓬꓰ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ ꓠꓬꓲ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=
ꓑ ꓫꓬ ꓡꓰ ꓢꓲꓻ ꓔꓸ ꓟ ꓬꓥ-ꓖꓳꓥ ꓑ ꓫꓬ ꓝꓲ ꓓꓴ ꓐꓴ ꓜꓴ (ꓚꓣꓬꓧ- Committee Representing Yangon Hludaw) ꓡꓰ꓾ ꓠꓯꓸ ꓐꓯꓼ ꓗꓴꓷꓼ ꓝꓲ ꓓꓴ ꓐꓴ ꓔꓯ ꓠꓲꓹ ꓞ ꓬꓰ ꓙ ꓡꓳꓸ ꓙ ꓡ ꓠꓹ ꓟ ꓕꓳ ꓶ ꓐꓳ ꓩꓴ ꓗꓷꓳ ꓐꓯ ꓡꓳ=
ꓐꓱ ꓓꓴꓽ ꓘꓴꓽ ꓗꓪ ꓐꓰ ꓗꓴꓷꓼ ꓙꓵꓽ ꓪ ꓦꓴ ꓢꓴ ꓔꓯ ꓒꓳꓹ ꓔꓳꓹ ꓟ ꓟꓴ ꓖꓪꓽ ꓢꓯꓼ ꓐꓰ꓾ ꓘꓴ ꓢꓯꓼ ꓓꓳ ꓡ ꓕꓲ ꓑꓹ ꓗꓪ꓾ ꓐꓱ ꓓꓴꓽ ꓙꓵꓽ ꓪ ꓙꓳ ꓢꓴ ꓐꓴ ꓐꓰ꓾ ꓟꓯꓼ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓐꓱ ꓓꓴꓽ ꓟꓲꓸ ꓕꓯ ꓗꓪ ꓕꓲ ꓑꓹ ꓖꓪ ꓙꓱ ꓡꓯ ꓘꓳ ꓡ ꓗꓸ ꓠꓯꓸ ꓟꓯꓼ ꓟꓳ ꓓꓳ ꓥ ꓟꓲ ꓖꓳ ꓗꓪ ꓓꓵꓽ ꓙꓰ ꓟ ꓡꓳꓸ ꓟꓳ ꓡꓳ ꓐꓰ ꓐꓱ ꓓꓴꓽ ꓒ ꓕꓲ ꓗꓪ ꓔꓬ ꓟ ꓑ ꓫꓬꓼ ꓐꓴ ꓡꓰ ꓐꓯ ꓡꓳ=
