ꓗꓳ ꓡ ꓟ ꓗꓪ ꓮ ꓜꓴ ꓬꓼ ꓬꓳ, ꓦꓲ., ꓔꓯ ꓮ ꓔꓳ ꓛꓴ ꓗꓶ ꓠꓬꓲ‐. ꓮ ꓜꓴ ꓬꓼ(Government) ꓗꓪ ꓐꓰ 24 ꓣꓳ ꓣꓴ ꓔꓯ, ꓙꓰꓳ= ꓣꓴ ꓔꓯ, ꓙꓰ ꓢꓴ ꓕꓲ ꓐꓱ ꓠꓬ ꓞꓳ ꓪꓴꓽ ꓞꓳ ꓟ ꓗꓪ ꓐꓰ ꓑꓳ ꓪ ꓡꓰꓳ=ꓣꓴ ꓟꓶ ꓡꓰ ꓢꓴ ꓮ ꓙꓵꓽ ꓠꓬ‐. ꓦ‐ꓜꓳ‐ꓡꓳ ꓘ, ꓗꓪ ꓐꓰ ꓥ ꓡꓳ=ꓖꓳ ꓗꓪ ꓣꓴ ꓟꓶ ꓡꓰ_ꓟ ꓠꓬ‐. ꓡꓽ‐ꓛꓴ. ꓪꓽ ꓞꓰꓽ(Firearm) 4 ꓗ. ꓣꓴ ꓟꓶ ꓡꓰꓳ=ꓝꓮꓲ ꓠꓬ, ꓐꓶ ꓡꓽ‐ꓛꓴ.(Airguns) ꓥ ꓟꓲ ꓮ ꓟꓬ ꓣꓴ ꓟꓶ ꓡꓰꓳ ꓐꓯ_ꓡꓳ=ꓮ ꓟꓶ ꓣꓴ ꓟꓶ ꓡꓰ ꓢꓴ ꓕꓲ ꓐꓱ ꓔꓯ ꓠꓬ‐. ꓞꓳ ꓘ, ꓗꓪ ꓐꓰ ꓧꓳꓽ ꓔꓯ, ꓡ ꓢꓲ ꓠꓬꓲ‐. Miao Town ꓗꓪ ꓮ ꓟꓲ ꓕꓽ ꓧꓳ ꓛꓲ ꓡ,ꓳ=
Miao Town ꓗꓪ ꓠꓬ 7 ꓣꓳ ꓧꓳꓽ ꓛꓲ ꓡ ꓢꓲ ꓠꓬꓲ‐. ꓬꓲ ꓪ ꓮ ꓙꓵꓽ ꓢꓴ ꓔꓯ 4 ꓐꓱ ꓒꓯꓽ ꓢꓲ 4 Police Station ꓗꓪ ꓐꓱ ꓗꓶ ꓢꓲ ꓠꓬꓲ ꓐꓱ Dꓴꓽ ꓗꓪ ꓡꓴꓽ ꓔ_ꓡꓳ=(ꓐꓱ ꓗꓷꓳ)= ꓟꓲꓸ ꓟꓲ(Today) ꓠꓬ ꓕꓲ ꓗꓪ Miao Town ꓗꓪ ꓔꓬ,_ꓟ ꓞꓳ ꓪꓴꓽ ꓞꓳ ꓟ ꓐꓴ ꓖꓪ ꓙꓱ ꓖꓪ ꓟꓴ ꓢꓲ ꓠꓬꓲ ꓬꓲ ꓪ ꓮ ꓙꓵ ꓢꓴ ꓔꓯ ꓬꓰ ꓙ ꓠ, ꓟ ꓮ ꓘꓶ ꓢꓯꓼ ꓕꓵꓸꓼ ꓔꓬ,_ꓡꓳ= ꓖꓳ ꓡꓱ ꓢꓲ ꓕꓲ ꓗꓪ ꓟꓲꓮꓳ ꓗꓪ ꓔꓬ,_ꓟ ꓡꓲ‐ꓢꓴ ꓫꓵꓽ ꓑꓯ ꓢꓯꓽ(Public)ꓐꓴ ꓥ ꓟꓲ‐. ꓕꓲ ꓣꓳ ꓡꓰ ꓕꓲ ꓣꓳ ꓮ ꓡꓲ ꓐ ꓡ ꓖꓳ ꓡꓱ ꓢꓯꓼ ꓕꓵꓸꓼ ꓢꓲ ꓬꓰ ꓙ ꓔ ꓙ ꓠ, ꓟ ꓢꓯꓼ ꓕꓵꓸꓼ ꓔꓬ,_ꓡꓳ=
ꓝꓮꓲ ꓫꓲ‐Dꓰ ꓘ, ꓗꓪ ꓟꓲ ꓟꓲ (ꓔoday) ꓠꓬꓲꓽ ꓧꓪ ꓕꓲ ꓧꓪ.( 2nd phase) ꓘꓴ ꓔꓴ ꓬꓰ ꓠ, ꓟ ꓙ ꓖꓶ ꓔꓬ,_ꓟ ꓠꓬ ꓠꓽ ꓡꓰꓳ ꓐꓰ‐. ꓐꓯ_ꓡꓳ= ꓖꓳ ꓟ ꓡꓰꓽ ꓟ ꓞꓲ ꓢꓲꓽ ꓒꓽ ꓐꓴ ꓡꓰ ꓫꓲ‐DE‐ꓘ, ꓕꓲ Cꓳ ꓡꓳ ꓗꓪ ꓠꓬ‐. Curfew 7 ꓠꓬꓲ ꓬꓰ ꓔ_ꓡꓳ=ꓙꓵꓽ ꓗ ꓠ, ꓐ 144 (Section 144) 5 ꓣꓳ ꓕꓯꓽ ꓢꓲ ꓜꓲꓼ ꓡꓯ ꓘꓳ ꓟꓽ D_ꓟ ꓙꓵꓽ ꓗ ꓔꓶ ꓔ_ꓡꓳ=ꓮ ꓟꓶ ꓫꓵꓽ ꓪꓴ ꓠꓬ ꓮ ꓟꓬ ꓟꓬꓽ ꓔꓬ_ꓡꓳ= ꓖꓳ ꓡꓱ ꓠꓬꓲ ꓣꓳ ꓡꓲ‐ꓢꓴ ꓬꓲ ꓤ ꓠꓬꓲ ꓤꓼ ꓐꓴ ꓲ‐Dꓲ‐ꓬ ꓗꓪ ꓔꓬ_ꓟ ꓡꓲ‐ꓢꓴ ꓫꓵꓽ ꓐꓱ ꓶ ꓮ ꓘꓶꓹ ꓪ ꓙ Dꓴ ꓬꓰ ꓡꓯ ꓐꓰ ꓢꓷꓸ ꓖꓶ ꓩꓴ ꓡ ꓥꓳ=
ꓐꓳ ꓖꓶ ꓢꓴ꓾ Biyo Lisu
