ꓲ-ꓓꓲ-ꓬ ꓫꓵꓽ ꓕꓲꓽ ꓣꓳ ꓠꓬ ꓬꓴ-ꓗꓯ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ 57 ꓣꓳ ꓕꓲꓽ ꓣꓳ ꓟ ꓒꓬꓱꓼ ꓡꓻꓳ꓿
“ꓙ ꓣꓳ ꓢꓲ꓾ ꓢꓯꓼ ꓕꓵꓼ ꓢꓲꓸ ꓬꓴ-ꓗꓯ ꓗꓴꓷꓼ ꓡ ꓞꓳ ꓐꓴ ꓔꓯ ꓣꓱꓽ ꓙ ꓓꓴ ꓥꓳ” ꓬꓴ-ꓗꓯ ꓗꓴꓷꓼ ꓟꓬꓱꓽ ꓢꓲꓺ ꓠꓬꓲ ꓖꓴ ꓐꓱ ꓶ ꓐꓰ ꓬꓲꓸ ꓫꓵꓼ ꓢꓲꓻ ꓣꓴ ꓟꓶˍ ꓟ ꓬꓲ-ꓫꓲ ꓢꓴ-ꓠꓼ (Rishi Sunak) ꓡꓰ ꓐꓯ ꓡꓳ꓿
ꓲ-ꓓꓲ-ꓬ ꓫꓵꓽ ꓕꓲꓽ ꓣꓳ꓾ ꓧꓶꓸ ꓕꓯꓽ ꓲ-ꓓꓲ-ꓬ ꓗꓴꓷꓼ ꓔꓯ ꓚꓳ ꓑꓸ ꓙꓵꓽ ꓗꓷ ꓢꓴ ꓬꓴ-ꓗꓯ ꓗꓴꓷꓼ ꓗꓪ ꓗꓴꓷꓼ ꓪꓴꓸ ꓓꓵ ꓣꓱꓽ ꓢꓴ ꓒꓬꓱꓼ ꓡ ꓟ ꓠꓬ ꓓꓵꓽ ꓙ ꓟꓶ ꓓꓴ ꓚꓺ ꓟꓲꓽ ꓕꓲꓽ ꓟ ꓒꓬꓱꓼ ꓡ ꓔꓬ ꓡꓳ꓿
ꓲ-ꓓꓲ-ꓬ ꓫꓵꓽ꓾ ꓦꓲ-ꓓꓴ ꓦ ꓡꓱ ꓚꓱꓹ ꓚꓺ ꓢꓴ ꓐꓴ ꓮ ꓔꓳꓸ ꓥꓯꓽ ꓑꓮꓲꓽ ꓦꓬꓼ ꓠꓬꓲ ꓗꓪ ꓬꓲ-ꓫꓲ ꓢꓴ-ꓠꓼ (Rishi Sunak) ꓔꓯ ꓬꓴ-ꓗꓯ ꓗꓴꓷꓼ ꓪꓴꓸ ꓓꓵ ꓧꓳꓽ ꓢꓴ ꓕꓱ ꓡꓱ ꓢꓲꓻ ꓣꓴ ꓪ ꓡꓰ ꓟ ꓥ ꓡꓳ꓿
