ꓟꓵꓽ ꓗꓳ ꓓꓵ ꓓꓵ ꓥꓶꓸˍ ꓟ ꓝꓴꓲ ꓐꓯ ꓟꓴ ꓕꓲꓺ (International Criminal Court) ꓗꓪ ꓐꓰ ꓫꓵꓽ ꓘꓶꓽ ꓖꓶ ꓡ ꓟ ꓔꓯ ꓘꓳ ꓣꓴ ꓡꓳ ꓐꓰ ꓠꓴꓖ ꓪ ꓔꓲꓸ 2 ꓣꓳ ꓕꓲ ꓣꓳ ꓟ ꓓꓴ ꓪ ꓡꓸꓫꓰꓸ-ꓡꓼ ꓡꓯꓼ ꓓꓴ ꓜꓸ ꓢꓲꓸ 2021 ꓘꓳꓼ 7 ꓦ 17 ꓠꓬꓲ ꓕꓯ ꓲꓚꓚ ꓗꓪ ꓕꓳ ꓶ ꓗꓶꓺ ꓩꓴ ꓔꓸꓳ ꓐꓰ ꓠꓬꓲꓸ ꓠꓬꓲ 2021 ꓘꓳꓼ 8 ꓦ 20 ꓠꓬꓲ ꓕꓯ ꓠꓴꓖ ꓡꓰꓽ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓕꓱ ꓟ ꓔꓯ ꓲꓚꓚ ꓡꓰ ꓘꓳ ꓣꓴ ꓡ ꓠꓬ꓾ 2002 ꓘꓳꓼ ꓗꓪ ꓐꓰ ꓕ ꓑꓳꓸ ꓟꓬ-ꓟ ꓗꓴꓷꓼ ꓗꓪ ꓥꓶꓸˍ ꓟ ꓞꓳ ꓢꓰꓼ ꓪ ꓢꓰꓼ ꓬꓰ ꓗꓷꓳ ꓫꓵꓽ ꓝꓴꓲꓸ꓾ ꓞꓳ ꓤ ꓫꓵꓽ ꓔꓯ ꓔꓳꓹ ꓟ ꓝꓴꓲ꓾ ꓮ ꓙꓵꓽ ꓔꓯ ꓧꓪ ꓟꓰꓹ ꓢꓲꓸ ꓟꓵꓽ ꓗꓳ ꓓꓵ ꓓꓵ ꓕꓲ ꓙꓶ ꓗꓪ ꓐꓯ ꓟꓴ ꓩꓴ ꓡꓯ ꓘꓳ ꓓ ꓟ ꓥ ꓡꓳ ꓐꓰ꓾ ꓐꓯ ꓡꓳ꓿
ꓧꓶꓸ ꓕꓯ ꓮ ꓕꓯ ꓟꓲ ꓟꓽ ꓟꓳ ꓠꓬꓲ꓾ ꓟꓽ ꓔꓳꓹ ꓜꓳꓽ ꓠꓬꓲ ꓟ ꓬꓲꓸ ꓫꓵꓼ ꓚꓱꓹ ꓔꓯꓸ ꓝꓰꓸ ꓢꓯꓼ ꓕꓵꓼ ꓔꓬ ꓥꓳ ꓐꓰ ꓠꓴꓖ ꓢꓷꓸ ꓙ ꓟꓴ ꓙ ꓕꓳ ꓶ ꓗꓪ ꓐꓳ ꓔꓸ ꓡꓳ꓿
ꓟꓬ-ꓟ ꓔꓯ ꓠꓬ ꓣꓳ-ꓦꓲ-ꓙ ꓐꓴ ꓡꓰ ꓟꓵꓽ ꓗꓳ ꓓꓵ ꓓꓵ ꓔꓱꓹ ꓜꓳ ꓟ ꓐꓯ ꓟꓴ ꓕꓲꓺ International Court of Justice-ICJ ꓗꓪ ꓥ ꓟꓲ ꓐꓯ ꓟꓴ ꓩꓴ ꓔꓸ ꓟ ꓥ ꓡꓳ꓿ ꓝꓮꓲ 8 ꓦ 20 ꓠꓬꓲ꓾ ꓠꓬꓲꓸ ꓠꓬꓲ ꓠꓬ ꓠꓴꓖ ꓣꓮꓓꓲꓳ ꓪꓴꓸ ꓔꓴ ꓟ ꓬꓲꓸ ꓪꓴꓸ ꓕꓲ ꓠꓬꓲ ꓥ ꓟꓲ ꓥ ꓡꓳ꓿
