ꓧꓶꓸ ꓕꓯ ꓠꓡꓓ ꓡꓯꓼ ꓛꓲ ꓲꓚꓙ ꓐꓯ ꓟꓴ ꓕꓲ ꓗꓪ ꓫꓵꓽ ꓩꓴ ꓡ ꓟ ꓠꓬ ꓟꓽ ꓜꓳꓽ ꓐꓯ ꓢꓲꓸ ꓮꓳ-ꓢꓸ-ꓢꓴ-ꓚꓰ ꓧꓳꓽ ꓪꓴꓸ ꓟꓴ ꓢꓲꓸ ꓔꓳꓹ ꓘꓶꓽ ꓕꓱ (ꓗꓸ ꓗꓪꓯꓼ) ꓔꓸ ꓟ ꓔꓯ ꓮ ꓟꓶ ꓠꓴꓖ ꓗꓴꓷꓼ ꓙꓵꓽ ꓢꓲꓽ ꓒꓽ ꓓꓴ-ꓪ-ꓡ-ꓫꓲꓸ-ꓡꓼ ꓡꓰꓽ ꓧꓳꓽ ꓪꓴꓸ ꓟꓴ ꓢꓲꓸ ꓔꓳꓹ ꓘꓶꓽ (ꓗꓸ ꓗꓪꓯꓼ ꓘꓶꓽ) ꓮ ꓙꓵꓽ 2022 ꓘꓳꓼ 2 ꓦ 1 ꓠꓬꓲ ꓕꓯꓽ ꓣꓴ ꓡꓲꓸ ꓩꓴꓳ꓿
ꓝꓮꓲ ꓟꓬ-ꓟ ꓗꓴꓷꓼ ꓐꓱ ꓶ ꓐꓯ ꓟꓴ ꓕꓲ ꓖꓳ ꓟ ꓗꓪ ꓫꓸ ꓕꓱ ꓢꓴ ꓠꓬ ꓮ ꓟꓶ ꓗꓴꓷꓼ ꓜꓴ ꓗꓪ ꓦꓰꓼ ꓔꓬ ꓟ ꓚꓳ-ꓟꓳꓹ-ꓕꓴꓸ ꓔꓯ ꓬꓰ ꓝꓲ ꓠꓹ ꓟ ꓓꓰꓽ ꓔ ꓡꓳ꓿
ꓟꓬ-ꓟ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓥ ꓟꓲ ꓐꓯ ꓟꓴ ꓕꓲ ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓫꓸ ꓕꓱ ꓪ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓙꓳˍ ꓡꓳ꓿
ꓲꓚꓙ ꓡꓰꓽ ꓮ ꓡꓲ ꓕꓲ ꓜꓴ ꓟ ꓔꓯ ꓟꓬ-ꓟ ꓐꓱ ꓶ ꓬꓲꓸ ꓛꓲ ꓬꓰ ꓝꓲ ꓡ ꓟ ꓟꓽ ꓢꓷꓸ ꓪ ꓢꓰ꓿
ꓠꓡꓓ ꓗꓴꓷꓼ ꓙꓵꓽ ꓜꓴ (2015-2020) ꓠꓬ ꓟꓬ-ꓟ ꓟꓯꓼ ꓐꓱ ꓶ ꓚꓲꓸ ꓛꓬ ꓟꓬꓱ ꓓꓳꓽ ꓒ ꓒꓲꓼ ꓫꓺ ꓘꓳ ꓗꓽ ꓡꓳꓸ ꓙ ꓗꓷ ꓥ ꓟꓲ꓾ ꓠꓴꓖ ꓗꓴꓷꓼ ꓙꓵꓽ ꓜꓴ ꓠꓬ ꓟꓬ-ꓟ ꓟꓯꓼ ꓝꓴꓲꓸ ꓔꓯ ꓟꓽ ꓑꓲꓸ ꓙ ꓠꓹ ꓟ꓾ ꓔꓱꓹ ꓜꓳ ꓜꓳ ꓬꓰ ꓠꓹ ꓟ ꓢꓯꓼ ꓕꓵꓼ ꓟꓳꓸ ꓖꓶ ꓓꓳ ꓡ ꓡꓳ꓿
