ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓗꓴꓷꓼ ꓜꓴ ꓝꓲ ꓓꓴ꓾ ꓗ-ꓐꓳꓹ-ꓓꓲ-ꓬ ꓢꓲꓽ ꓒꓽ ꓑ-ꓬꓯꓼ-ꓢꓳꓼ-ꓘꓳ (Prak Sokhonn) ꓠꓬ ꓠꓬꓲꓸ ꓠꓬꓲ 2022 ꓘꓳꓼ 6 ꓦ 29 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓙꓰꓳ꓿
ꓕꓱ ꓕꓲ ꓧꓪꓹ ꓠꓬ ꓬꓲ ꓟꓬ-ꓟ ꓗꓴꓷꓼ ꓗꓪ ꓡˍ ꓟ ꓠꓬꓲꓽ ꓧꓪꓹ ꓕꓲ ꓧꓪꓹ ꓥ ꓢꓲ꓾ ꓮ ꓠꓲꓹ ꓕꓯꓽ ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓜꓴ ꓖꓪ ꓙꓱ ꓪꓽ ꓔꓸ ꓟ (5) ꓘꓶꓽ ꓔꓯ ꓟꓬꓱꓽ ꓬꓰ ꓠꓹ ꓟ ꓖꓪ ꓙꓱ ꓡ ꓟ ꓥ ꓡꓳ꓾ ꓐꓰ ꓗ-ꓐꓳ-ꓓꓲ-ꓬ ꓗꓴꓷꓽ ꓫꓵꓽ ꓓꓳꓽ ꓗꓪ ꓐꓳˍ ꓡꓳ꓿
ꓕꓱ ꓕꓲ ꓧꓪꓹ ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓗꓪ (5) ꓠꓬꓲ ꓗꓪ ꓛꓲ ꓔꓬ ꓠꓹ ꓟ ꓥ ꓢꓲ꓾ ꓮꓳ-ꓢ-ꓢꓴꓸ-ꓚꓰꓽ ꓔꓯ ꓜꓲ ꓪ/ ꓟꓽ ꓜꓲ ꓪ ꓠꓬ ꓚꓹ ꓟꓽ ꓪ ꓢꓰꓽ꓿ ꓟꓬ-ꓟ ꓟꓯꓼ ꓡꓰ ꓐꓯˍ ꓟ ꓠꓬ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓔꓯ ꓟꓽ ꓜꓲ ꓝꓲ ꓐꓯ ꓔꓸ ꓟ ꓙꓳˍ ꓡꓳ꓿
