ꓞꓼ ꓬꓲꓻ (ꓞꓼ ꓐꓳ ꓐꓰ ꓞꓼ ꓛꓲ ꓬꓲꓸ ꓬꓲꓻ) ꓮ ꓟꓬꓹ ꓫꓵꓽ ꓙꓳ ꓠꓬꓲ ꓮ ꓡꓲ ꓕꓲ ꓫꓵꓽ ꓓꓳ ꓠꓯ ꓡ? ꓚꓲ ꓛꓬ ꓠꓻ ꓓꓴ ꓔꓯ ꓛꓳ ꓢꓲꓸ ꓢꓲꓻ ꓣꓴ ꓗꓴꓸ ꓡꓰ ꓠꓹ ꓟ ꓟꓳꓸ ꓖꓶ ꓩꓴ ꓡ ꓡꓳ꓿
ꓬꓲꓸ ꓪꓴꓸ ꓕꓲ ꓩꓴꓸ ꓬꓲꓸ ꓕꓱꓹ ꓠꓲꓹ ꓛꓵꓼ ꓛꓵꓼ ꓕꓱ ꓟ ꓠꓬ꓾ ꓜꓲꓽ ꓛꓲ ꓢꓴ ( ဆီးချိုရောဂါရှိသူ ) ꓓꓳ ꓓꓴ ꓬꓲꓸ ꓫꓳꓽ ꓫꓬꓹ ꓔꓸ ꓟ ꓥ ꓡꓳ꓿
ꓠꓯꓸ ꓘꓪ ꓗꓪ ꓟ ꓠꓬ꓾ ꓦꓰꓼ ꓟ ꓖꓼ ꓢꓴ꓾ ꓢꓯꓼ ꓐꓽ ꓢꓴ ꓐꓱ ꓶ ꓥ ꓡꓳ꓿ ꓜꓲꓽ ꓛꓲ ꓠꓻ ꓢꓴ ꓓꓳ ꓟꓽ ꓓ꓿ ꓠꓱꓸ ꓐꓯꓼ ꓢꓯꓼ ꓐꓽ ꓢꓴ ꓐꓴ ꓠꓬ ꓠꓬ ꓓꓳ ꓓ ꓡꓳ꓿
ꓣoyal-ꓓ ꓠꓬ ꓜꓲꓽ ꓛꓲ ꓠꓻ ꓢꓴ ꓐꓰ꓾ ꓦꓰꓼ ꓟ ꓖꓼ ꓢꓴ ꓓꓳ ꓟꓽ ꓓ꓿ ꓟꓬꓱꓽ ꓩꓴ ꓩꓴ ꓬꓰ ꓢꓲ꓾ ꓚꓲꓸ ꓬꓲ ꓓꓳ ꓟꓬꓽ ꓡꓰ ꓢꓴ꓾ ꓡꓳ ꓖꓪ ꓒꓽ ꓐꓴ ꓠꓲꓹ ꓞ ꓢꓯꓼ ꓡꓽ ꓡ ꓠꓹ ꓟ ꓓꓳ ꓓꓴ ꓥ ꓡꓳ꓿
ꓕꓱ ꓡꓱꓳ ꓫꓵꓽ ꓧꓪ ꓟꓶ ꓟꓽ ꓓ ꓟ ꓟꓵꓽ ꓗꓪ ꓦꓰꓼ ꓟ ꓖꓼ ꓡ ꓢꓲ ꓢꓯꓼ ꓐꓽ ꓢꓴ ꓐꓱ ꓶ ꓠꓲꓹ ꓞ ꓚꓰꓼ ꓓꓳ ꓝꓲ ꓠꓹ ꓟ ꓬꓲꓸ ꓚꓱꓹ ꓙꓳ ꓢꓰ ꓡꓳ꓿ ꓢꓲꓽ ꓫꓬ ꓟ ꓮ ꓙꓬ 1 ꓡꓔ ꓗꓪ ꓞꓼ ꓛꓲ 6 ꓮꓸ ꓙꓴ ꓐꓰ꓾ ꓞꓼ ꓐꓳ ꓮ ꓙꓴ ꓕꓲꓽ ꓐꓶ ꓗꓶ ꓫꓳꓹ ꓢꓲꓸ ꓓꓳ꓿ ꓫꓳꓹ ꓔꓸ ꓟ ꓠꓻ ꓡꓲ 20 ꓙꓵꓹ ꓟꓽ ꓐꓲ ꓡꓰ ꓢꓰꓽ ꓕꓯ ꓓꓳ ꓖꓴ ꓡꓰ ꓝꓲ꓿ ꓬꓲꓸ ꓙꓵꓹ ꓟꓶ ꓫꓵ ꓡꓰ ꓠꓬ ꓕꓽ ꓓꓳ꓿ ꓞꓳ ꓠꓻ ꓔꓯ ꓠꓯ ꓞꓲꓼ ꓦꓲ ꓗꓪ ꓠꓲꓹ ꓞ ꓧꓳꓽ ꓙꓰ꓿
ꓕꓱ ꓡꓱ ꓬꓰ ꓢꓲꓸ ꓦꓰꓼ ꓟ ꓖꓼ ꓢꓯꓼ ꓐ ꓡꓰ ꓢꓴ ꓐꓴ ꓔꓯ ꓢꓯꓼ ꓟꓬ ꓚꓬꓴꓹ ꓐ ꓡ ꓡꓳ꓿
