ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓙꓵꓽ ꓪ ꓦꓴ ꓡ ꓢꓴ ꓟꓯꓼ ꓑꓶꓸ ꓓꓴ ꓚꓲ ꓛꓬ ꓒꓴ ꓚꓲ ꓛꓬ ꓒꓴ ꓞꓳꓽ ꓦꓲ ꓗꓪ ꓐꓰ ꓕꓵꓼ ꓠꓹ ꓟ ꓐꓱ ꓶ ꓥ ꓟꓲ ꓝꓯꓸ ꓛꓲ꓾ ꓳꓫꓬꓖꓰꓠ ꓐꓱ ꓶ ꓥ ꓟꓲ ꓝꓯꓸ ꓛꓲ꓾ ꓝꓮꓲ ꓫꓵꓻ ꓟꓳ ꓔꓵꓸ ꓠꓹ ꓟ ꓐꓱ ꓶ ꓥ ꓟꓲ ꓝꓯꓸ ꓛꓲ ꓡꓰꓳ=
ꓒꓴ ꓐꓱ ꓶ ꓝꓯ꓾ ꓟꓲ ꓦꓲ ꓐꓱ ꓶ ꓝꓯꓸ꓾ ꓫꓵꓻ ꓟꓳ ꓔꓵꓸ ꓓꓴ ꓝꓯꓸ ꓸꓸꓸꓸ ꓮ ꓗꓪ ꓡꓲꓸ ꓝꓯꓸ ꓠꓬꓹ ꓕꓲ ꓖꓼ ꓗꓷ ꓡꓰꓳ= ꓮ ꓡꓲ ꓟꓽ ꓬꓰ ꓪ= ꓙꓵꓽ ꓪ ꓦꓴ ꓢꓴ ꓠꓽ ꓑ ꓫꓬ ꓐꓱ ꓶ ꓮ ꓔꓲꓸ ꓟꓲ ꓟꓽ ꓓꓵꓽ ꓙ ꓡ= ꓧꓶꓸ ꓕꓯ ꓟ ꓦꓬꓼ ꓠꓬꓲ ꓠꓽ ꓬꓲꓼ ꓟꓬ ꓘꓳ ꓟ ꓡꓰ ꓐꓰ ꓗꓳꓸ ꓙꓰꓳ=
ꓮ ꓟꓶ ꓟꓬ-ꓟ ꓑ ꓫꓬ ꓐꓴ ꓠꓬ ꓡꓽ ꓛꓴꓸ ꓘꓶꓽ ꓗꓪ꓾ ꓚꓳꓦꓲꓓ-19 ꓠꓻ ꓓꓱꓽ ꓘꓶꓽ ꓗꓪ ꓫꓸ ꓙꓵ ꓟꓷꓼ ꓙꓵ ꓟ ꓐꓯ ꓖꓴ ꓟꓽ ꓓ ꓔꓳꓹ ꓜꓳ ꓔꓬ ꓡꓳ=
