ꓑꓴ-ꓔ-ꓳ ꓟꓵꓽ꓾ ꓮ-ꓓꓯ-ꓓꓰ ꓘꓹ ꓗꓪ ꓢꓯꓸ ꓬꓲꓼ ꓡ ꓑꓮꓲ ꓔꓯ 2022 ꓘꓳꓼ 4 ꓦ 8-11 ꓗꓪ ꓛꓲ ꓬꓰ ꓗꓷꓳ꓿
“ꓬꓲꓸ ꓕꓻ ꓟꓽ ꓔꓬꓳ꓾ ꓬꓲꓸ ꓠꓬ ꓢꓯꓸ ꓬꓲꓼ ꓙꓰꓳ” (ꓡꓴ-ꓘ 24:6-7) ꓔꓯ ꓬꓲꓸ ꓚꓰ ꓣꓴ ꓔꓸ ꓢꓲꓸ ꓢꓲꓺ ꓒ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓑꓮꓲ ꓬꓰ ꓔꓬ ꓟ ꓥ ꓡꓳ꓿
ꓑꓴ-ꓔ-ꓳ ꓕꓲ ꓚꓳ ꓡꓳ ꓠꓱꓸ ꓐꓯꓼ ꓗꓪ ꓥ ꓟꓲ ꓘꓴ ꓜꓲꓼ ꓞꓳ ꓕꓲ ꓟ ꓡꓰ ꓕꓲ ꓟ꓾ ꓠꓬꓲꓽ ꓢ ꓘꓹ ꓜꓲꓼ ꓡꓯ ꓘꓳ ꓢꓲꓸ ꓢꓯꓸ ꓬꓲꓼ ꓡ ꓑꓮꓲ ꓬꓰ ꓔꓬ ꓡꓳ꓿ ꓑꓮꓲ ꓦꓬꓼ ꓠꓬꓲ ꓠꓬ ꓥꓪꓽ ꓠꓬꓲ ꓟꓶ ꓘꓶꓼ ꓗꓪ ꓐꓰ ꓠꓽ ꓕꓲꓽ ꓠꓬꓲ ꓠꓯꓼ ꓗꓪ ꓛꓲ 3 ꓠꓬꓲ 3 ꓦꓬꓼ ꓬꓰ ꓚꓰꓼ ꓡꓳ꓿
“ꓜꓲ-ꓐꓱ-ꓓꓰ ꓗꓪ ꓐꓰ ꓔ-ꓙ 2 ꓗꓪ ꓛꓲ ꓟ 11 ꓘꓹ ꓔꓺ ꓡꓯ ꓘꓳ ꓢꓲꓸ ꓬꓰ ꓪ ꓡꓰꓳ” ꓐꓰ ꓟꓸ ꓒ ꓙꓬ-ꓒꓴ-ꓢꓯꓸ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
“ꓣꓳ ꓟꓵꓽ ꓣꓳ ꓡꓳ ꓗꓪ ꓢꓯꓸ ꓬꓲꓼ ꓡ ꓑꓮꓲ ꓔꓯ ꓔꓺ ꓠꓲꓹ ꓫꓵ ꓖꓶ ꓮ ꓡꓲ ꓟꓽ ꓬꓰꓳ꓿ ꓟꓲꓺ ꓡꓰ ꓟꓽ ꓓ꓿ ꓞꓳ ꓟꓳꓽ ꓐꓴ ꓔꓯ ꓜꓲ ꓠꓲꓹ ꓫꓵ꓾ ꓫꓵꓽ ꓪ ꓜꓻ ꓕꓱꓹ ꓜꓽ ꓠꓲꓹ ꓫꓵ꓿ ꓕꓲ ꓟꓲ ꓠꓯ ꓮ ꓗꓪ ꓡꓲꓸ ꓧꓪ ꓟꓳꓻ ꓟꓽ ꓓˍ ꓟ ꓡꓲꓽ ꓒꓰꓼ ꓔꓲꓸ ꓥꓳ ꓟꓽ” ꓬꓥ-ꓖꓳꓥ ꓗꓪ ꓟ ꓟꓸ ꓒꓽ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓑꓴ-ꓔ-ꓳ ꓟꓵꓽ ꓗꓪ ꓠꓬ ꓙꓲ-ꓢꓴ ꓢꓲ ꓤ 90% ꓟꓽ ꓞꓲ ꓔꓬ ꓟ ꓡꓳ ꓒꓱ ꓥ ꓡꓳ꓿
ꓐꓬꓱꓽ꓾ ꓟꓸ ꓒ ꓙꓬ-ꓒꓴ-ꓢꓯꓸ
