ꓮꓸ ꓟꓳꓽ ꓕꓯꓽ ꓢꓲ ꓔꓷꓹ ꓕꓶꓸ ꓢꓴ ꓞꓳ ꓤ ꓓꓳ ꓡꓻꓳ

UK ꓗꓴꓷꓼ꓾ Llanwrtyd Wells, Powys ꓗꓪ ꓮ ꓟꓳꓽ ꓐꓰ ꓞꓳ ꓤ ꓔꓷꓹ ꓔꓯꓺ ꓡꓯ ꓘꓳ ꓑꓮꓲ ꓗꓪ ꓞꓳ ꓤ ꓧꓪꓸ ꓬꓰꓳ꓿

ꓮ ꓟꓳꓽ ꓔꓯ ꓔꓷꓹ ꓧꓪꓸ ꓖꓰꓼ ꓢꓴ ꓬꓲꓸ ꓟꓬꓱꓺ ꓠꓬ Ricky Lightfoot ꓥ ꓢꓴ꓾ ꓬꓲꓸ ꓠꓬ ꓞꓳ ꓤ ꓔꓷꓹ ꓢꓴ 1000 ꓣꓳ ꓐꓰ ꓮꓸ ꓟꓳꓽ 50 ꓘꓹ ꓔꓯ ꓔꓷꓹ ꓧꓪꓸ ꓬꓰˍ ꓟ ꓥ ꓡꓳ꓿

ꓟꓲꓺ 22.5 ꓕꓷꓹ ꓔꓯ ꓠ ꓡꓲꓺ 2:22:23 ꓙꓵꓹ ꓗꓪ ꓔꓷꓹ ꓛꓲ ꓡ ꓟ ꓥ ꓢꓲꓸ ꓡꓯꓼ ꓫꓴ ꓠꓬ £3500 (ꓟꓬ-ꓟ ꓒꓴ 80 ꓢꓯꓹ) ꓪ ꓬꓰꓳ꓿

ꓕꓱ ꓡꓱ ꓔꓷꓹ ꓔꓯꓺ ꓡꓯ ꓘꓳ ꓑꓮꓲꓽ ꓔꓯ 1980 ꓘꓳꓼ ꓗꓪ ꓐꓰ ꓕ ꓑꓳꓸ ꓬꓰ ꓪꓴꓸ ꓔꓴ ꓡ ꓟ ꓥ ꓢꓲ꓾ ꓮꓸ ꓟꓳꓽ ꓔꓷꓹ ꓧꓪꓸ ꓟ ꓟꓬꓽ ꓡꓳ꓿ ꓞꓳ ꓤꓽ ꓠꓰ ꓧꓪꓸ ꓬꓰˍ ꓟ ꓠꓬ 2004 ꓘꓳꓼ ꓗꓪ ꓕꓲ ꓧꓪꓸ꓾ ꓝꓮꓲ 2007 ꓘꓳꓼ ꓗꓪ ꓕꓲ ꓧꓪꓸ꓾ ꓮ ꓟꓶ 2022 ꓘꓳꓼ ꓗꓪ ꓕꓲ ꓧꓪꓸ ꓮ ꓙꓵꓽ ꓠꓬ 3 ꓧꓪꓹ ꓧꓪꓸ ꓡꓰ ꓠꓬꓲˍ ꓟ ꓥ ꓡꓳ꓿

ꓬꓲꓸ ꓚꓰ꓾ ꓐꓐꓚ