ꓮꓳ-ꓢꓸ-ꓢꓴ-ꓚꓰꓽ ꓢꓯꓼ ꓟꓬ ꓡꓳꓸ ꓙ ꓢꓴ ꓛꓬ-ꓣꓲ-ꓕꓯꓼ ꓔꓯ ꓟꓯꓼ ꓡꓰ ꓣꓴ ꓙꓰꓳ

ꓮꓳ-ꓢꓸ-ꓢꓴ-ꓚꓰꓽ ꓢꓯꓼ ꓟꓬ ꓡꓳꓸ ꓙ ꓢꓴ ꓛꓬ-ꓣꓲ-ꓕꓯꓼ (Cherry Htet) ꓔꓯ ꓟꓯꓼ ꓡꓰ 2021 ꓘꓳꓼ 9 ꓦ 21 ꓠꓬꓲ ꓕꓯꓽ ꓬꓲ ꓔꓬ ꓟ ꓠꓯ-ꓑꓲ-ꓓꓳ ꓦꓲ ꓗꓪ ꓐꓰ ꓣꓴ ꓧꓳꓽ ꓙꓰ ꓢꓲ꓾ 505 -ꓮ ꓗꓪ ꓐꓰ ꓐꓯ ꓟꓴ ꓩꓴ ꓔ ꓟ ꓓꓳꓽ ꓜꓳ ꓡ ꓡꓳ꓿

ꓬꓲ ꓔꓯ ꓬꓲ ꓪꓴꓸ ꓕꓯ ꓦꓲ ꓗꓪ ꓐꓰ ꓮ ꓗꓪˍ ꓟꓲ ꓟꓽ ꓙꓰ ꓠꓹ ꓟ ꓡꓴꓽ ꓔꓸ ꓟ ꓥ ꓢꓲ꓾ ꓮ ꓟꓶ ꓠꓬ ꓟꓯꓼ ꓡꓰ ꓧꓳꓽ ꓔꓯꓹ ꓙꓰ ꓟ ꓥ ꓡꓳ꓿ ꓬꓴ ꓠꓴ ꓠꓴꓖ ꓔꓯ ꓙ ꓡꓯ ꓘꓳ ꓠꓬꓲ ꓣꓴ ꓔꓸ ꓡꓳ ꓐꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓐꓯ ꓡꓳ꓾ ꓐꓰ ꓐꓐꓚ ꓡꓰ ꓐꓳˍ ꓡꓳ꓿

ꓠꓡꓓ ꓑ-ꓔꓲ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓬꓰ ꓟ ꓦꓬꓼ ꓠꓬꓲ ꓗꓪ ꓬꓲ ꓠꓬ ꓮꓳ-ꓢ-ꓢꓴ-ꓚꓰ ꓢꓯꓼ ꓟꓬ ꓡꓳꓸ ꓙ ꓢꓴ ꓥ ꓢꓲ꓾ ꓮꓳ-ꓢ-ꓢꓴ-ꓚꓰ ꓮ ꓗꓪ ꓙꓰ ꓠꓬ ꓖꓳ ꓗꓪ ꓙꓰ ꓚꓳ ꓡꓳꓸ ꓙ ꓗꓷꓳ꓿ ꓑ ꓫꓬ ꓥ ꓟꓲ ꓬꓲ ꓔꓯ ꓠꓲꓹ ꓠꓵ ꓢꓴ ꓮ ꓟꓬ ꓙꓳ ꓡꓳ꓿