ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓗꓪ ꓟꓬ-ꓟ ꓟꓯꓼ ꓡꓰꓽ ꓮꓳ-ꓢꓸ-ꓢꓴ-ꓚꓰꓽ ꓐꓰ ꓠꓡꓓ ꓑ-ꓔꓲ ꓓꓵꓽ ꓢꓴ 645 ꓣꓳ ꓔꓯ ꓣꓴ ꓡꓴꓽ ꓔꓸ ꓡꓳ꓾ ꓐꓰ ꓐꓶꓽ ꓓꓵꓽ ꓫꓱ-ꓖꓳ-ꓔꓮꓲꓽ ꓐꓯ ꓑꓶ ꓓꓴ ꓗꓪ ꓐꓰ 2022 ꓘꓳꓼ 3 ꓦ 18 ꓠꓬꓲ ꓕꓯ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓞꓳꓹ ꓢꓲꓸ ꓚꓲꓸ ꓚ ꓟ ꓗꓪ ꓑ ꓫꓬ ꓝꓲ ꓓꓴ 1 ꓣꓳ ꓐꓰ ꓠꓡꓓ ꓑ-ꓔꓲ ꓓꓵꓽ ꓢꓴ 16 ꓣꓳ ꓔꓯ ꓫꓵꓻ ꓗꓪ ꓛꓲ ꓫꓸ ꓟꓴ ꓫꓸ ꓚꓬ ꓢꓰꓼ ꓗꓷꓳ ꓐꓯ ꓔꓸ ꓡꓳ꓿ 2020 ꓘꓳꓼ ꓢꓲꓻ ꓣꓴ ꓑꓮꓲ ꓗꓪ ꓧꓪꓸ ꓡꓰ ꓔꓸ ꓢꓴ ꓑ ꓫꓬ ꓝꓲ ꓓꓴ 107 ꓣꓳ ꓔꓯ ꓞꓳꓹ ꓧꓳꓽ ꓙꓰ ꓢꓲ꓾ 14 ꓣꓳ ꓡꓲꓹ ꓡ꓾ ꓮ ꓟꓶ ꓗꓪ ꓛꓲ 92 ꓣꓳ ꓔꓯ ꓞꓳꓹ ꓡꓴꓽ ꓔꓸ ꓢꓰꓽ ꓡꓳ꓾ ꓐꓰ ꓐꓯ ꓔ ꓡꓳ꓿
ꓑ-ꓔꓲ ꓙꓵꓽ ꓦꓲ ꓔꓯ ꓛꓬꓹ ꓛꓬꓹ ꓗ ꓗ ꓬꓰ꓾ ꓶ ꓤ ꓶ ꓟꓲ ꓔꓯꓹ ꓫꓺ ꓙꓰˍ ꓟ꓾ ꓮ ꓔꓳꓸ ꓛꓴ꓾ ꓐꓳꓽ ꓑꓳ ꓡ ꓟ꓾ 98 ꓧꓪꓹ ꓙꓳ ꓡꓰ ꓢꓲ꓾ ꓟꓬꓽ ꓠꓬꓲ ꓠꓬ ꓑ ꓫꓬ ꓐꓴ ꓢ ꓘꓪ ꓓꓳ ꓟꓽ ꓓ ꓐꓰ ꓐꓯ ꓔꓸ ꓟ ꓙꓵꓹ ꓗꓪ ꓗꓷ ꓡꓰˍ ꓟ ꓥ ꓡꓳ꓿
ꓝꓮꓲ ꓦꓲ ꓔꓯ ꓔꓳꓹ ꓠꓷꓼ ꓓꓴ ꓬꓰ ꓢꓲꓸ ꓑꓲꓸ ꓞꓲꓽ ꓩꓴ ꓡ ꓟ 155 ꓦꓲ ꓙꓳˍ ꓡꓳ꓿
ꓕꓲ ꓗꓴꓷꓼ ꓡꓱꓸꓼ ꓗꓪ ꓵꓺ ꓟꓬꓱꓺ ꓖꓳꓻ ꓪ ꓟ ꓡꓳ ꓚ ꓐꓯˍ ꓠꓬ꓾ 2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ 2022 ꓘꓳꓼ 3 ꓦ 14 ꓠꓬꓲ ꓗꓪ ꓛꓲ꓾ ꓟꓬ-ꓟ ꓟꓯꓼ ꓡꓰ ꓢꓰꓼ ꓗꓷ ꓢ 2123 ꓣꓳ꓾ ꓬꓲ ꓖꓻ ꓟꓽ ꓙꓳ ꓣꓴ ꓡꓴꓽ ꓪ ꓡꓰ ꓢꓴ 13ꓹ000 ꓣꓳ ꓙꓳˍ ꓡꓳ ꓐꓯ ꓔꓸ ꓡꓳ꓿
