ꓮ-ꓢꓲ-ꓬ ꓡ ꓞꓳ ꓑ ꓫꓬ ꓝꓲ ꓓꓴ ꓐꓴ ꓜꓲꓼ ꓓꓴ (Asian Inter parliamentarians assembly) ꓗꓪ ꓟꓬ-ꓟ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓢꓳ ꓣꓴ ꓡꓳꓸ ꓠꓬꓲ ꓢꓴ 1 ꓣꓳ ꓓꓯ ꓡ ꓠꓹ ꓟ ꓘꓳ ꓣꓴ ꓗꓷ ꓠꓬꓲ꓾ ꓚꓣꓑꓧ ꓡꓰ ꓠꓲꓹ ꓟ ꓘꓳꓼ ꓘꓳꓼ ꓔꓳꓹ ꓢꓲꓸ ꓢꓷꓸ ꓙ ꓟꓴ ꓙ ꓕꓳ ꓶ ꓕꓲ ꓚꓴꓸ ꓠꓬꓲꓸ ꓠꓬꓲ 2021 ꓘꓳꓼ 8 ꓦ 22 ꓠꓬꓲ ꓕꓯ ꓐꓳ ꓩꓴ ꓡ ꓡꓳ꓿
ꓜꓴ ꓖꓳ ꓟ ꓢꓽ ꓡ ꓙꓵꓽ ꓒꓽ ꓔꓯ ꓚꓣꓑꓧ ꓡꓰ ꓧꓶꓸ ꓕꓯˍ ꓡꓰ ꓕꓳ ꓶ ꓐꓳ ꓔꓸ ꓟ ꓔꓯ ꓬꓲ ꓡꓲꓽ ꓡꓳ ꓚ ꓟꓽ ꓒꓳꓹ ꓡꓽ ꓖꓶ ꓡ ꓟ ꓕꓯꓽ ꓢꓲ꓾ ꓜꓲ ꓜꓲ ꓑꓰꓹ ꓑꓰꓹ ꓑ ꓫꓬ ꓔꓯ ꓙꓵꓽ ꓢꓴ ꓐꓴ ꓔꓯ ꓠꓬ ꓜꓲꓼ ꓓꓴ ꓗꓪ ꓘꓳ ꓣꓴ ꓩꓴ ꓡ ꓟ ꓑꓶꓸ ꓓꓴ 42 ꓧꓪꓹ ꓟ ꓮꓲꓑꓮ ꓜꓲꓼ ꓓꓴ ꓠꓬ ꓫꓸ ꓔꓳ ꓫꓸ ꓒꓯꓼ ꓟ ꓜꓲꓼ ꓓꓴ ꓒꓬꓱꓼ ꓡ ꓥꓳ꓿ ꓖꓳ ꓟ ꓑꓶꓸ ꓓꓴ ꓮ-ꓢꓲ-ꓬ ꓗꓴꓷꓼ ꓓꓵꓽ ꓢꓴ ꓐꓴ ꓗꓪ ꓐꓰ ꓕꓱ ꓟ ꓔꓯ ꓠꓲꓹ ꓞ ꓫꓬꓹ ꓡꓲꓸ ꓓꓴ ꓬꓰ ꓡꓯ ꓐꓰ ꓚꓣꓑꓧ ꓕꓳ ꓶ ꓗꓪ ꓐꓳ ꓔꓸ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓠꓬ꓾ 2021 ꓘꓳꓼ 8 ꓦ 22-25 ꓠꓬꓲ ꓗꓪꓠꓛꓲ ꓐꓶ-ꓣꓴ-ꓠꓮꓲ ꓗꓪ ꓬꓰ ꓓꓴ ꓥ ꓡꓳ꓿
ꓚꓣꓑꓧ ꓠꓬ 2020 ꓘꓳꓼ ꓟꓬ-ꓟ ꓗꓴꓷꓼ ꓢꓲꓻ ꓣꓴ ꓑꓮꓲ ꓗꓪ ꓧꓪꓸ ꓡꓰ ꓢꓴ ꓑ ꓫꓬ ꓝꓲ ꓓꓴ ꓜꓴ ꓥ ꓡꓳ꓿ ꓮ ꓟꓶ ꓮꓲꓑꓮ ꓥ ꓟꓲ ꓮ-ꓢꓲ-ꓬ ꓗꓴꓷꓼ ꓐꓴ ꓗꓪ ꓐꓰ ꓑ ꓫꓬ ꓝꓲ ꓓꓴ ꓜꓴ ꓕꓲ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓙꓵ ꓪ ꓦꓴ ꓟꓯꓼ ꓠꓬ ꓑ ꓫꓬ ꓝꓲ ꓓꓴ ꓟꓽ ꓥ꓿
