ꓬꓴ-ꓗ-ꓣꓲꓸ ꓠꓬ European Union ꓗꓪ ꓓꓵꓽ ꓠꓹ ꓟ 2022 ꓘꓳꓼ 4 ꓦ 18 ꓠꓬꓲ ꓕꓯꓽ ꓕꓳ ꓶ ꓔꓲꓺ ꓩꓴ ꓗꓷꓳ꓾ ꓐꓰ ꓜ-ꓡꓯ-ꓢꓲ-ꓗꓲ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓬꓴ-ꓗ-ꓣꓲ ꓗꓷꓴꓼ ꓔꓯ ꓟꓳꓸ ꓰꓴ ꓗꓴꓷꓼ ꓜꓴ ꓝꓲ ꓓꓴ Matti Maasikas ꓡꓯ ꓒꓯꓹ ꓗꓪ ꓰꓴ ꓗꓴꓷꓼ ꓜꓴ ꓗꓪ ꓔꓺ ꓪ ꓠꓹ ꓟ ꓓꓰꓽ ꓕꓳ ꓶ ꓡꓯꓼ ꓙꓱ ꓩꓴ ꓗꓷ ꓟ ꓥ ꓡꓳ꓿
“ꓑ ꓫꓬ ꓠꓲꓹ ꓫꓵˍ ꓟ ꓐꓰ꓾ ꓬꓰ ꓠꓹ ꓟ ꓟꓳꓸ ꓙ ꓔꓸ ꓟ ꓮ ꓙꓵꓽ ꓬꓰ ꓙꓰ ꓓꓴ ꓥꓳ꓿ ꓬꓴ-ꓗ-ꓣꓲꓸ ꓑ ꓫꓬ ꓐꓴ ꓠꓬ ꓰꓴ ꓗꓴꓷꓼ ꓜꓴ ꓗꓪ ꓟ ꓥ ꓡꓳ ꓐꓰ ꓓꓵꓽ ꓙ ꓝꓲ” ꓐꓰ ꓬꓴ-ꓗ-ꓣꓲꓸ ꓗꓴꓷꓼ ꓧꓳꓽ ꓢꓴ ꓜ-ꓡꓯ ꓢꓲ-ꓗꓲ ꓡꓰ ꓐꓯ ꓡꓳ꓿
ꓰꓴ ꓗꓴꓷꓼ ꓜꓴ ꓗꓪ ꓓꓵꓽ ꓪ ꓠꓹ ꓟ ꓐꓱ ꓶ ꓠꓺ ꓠꓬꓲ ꓒꓳꓹ ꓖꓶ ꓔꓸ ꓟ ꓕꓳ ꓶ ꓠꓬ ꓬꓲꓸ ꓑꓷꓠ ꓓꓽ ꓟ 2 ꓑꓷꓠ ꓥ ꓡꓳ꓿
ꓣ-ꓫꓸ ꓠꓬ ꓕꓱ ꓡꓱ ꓬꓰ ꓟ ꓔꓯ ꓟꓽ ꓠꓵ꓿ ꓳꓸ ꓟ ꓑꓶꓸ ꓓꓴ ꓮ ꓟꓶ ꓣ-ꓫꓸ ꓗꓴꓷꓼ ꓧꓳꓽ ꓢꓴ Vladimir Putin ꓡꓰ ꓬꓴ-ꓗ-ꓣꓲꓸ ꓔꓯ ꓟꓯꓼ ꓓꓶꓽ ꓔꓬ ꓥ ꓡꓳ꓿
ꓬꓲꓸ ꓚꓰ꓾ ꓜ-ꓡꓯ ꓢꓲ-ꓗꓲ ꓢꓷ ꓙ ꓟꓴ ꓙ ꓘꓶꓽ
