2022 ꓘꓳꓼ 4 ꓦ 28 ꓠꓬꓲ ꓟꓶꓼ ꓘꓶꓼ ꓗꓪ꓾ ꓴꓢꓮ ꓗꓪ ꓐꓰ ꓗꓹ ꓚꓳ ꓡ ꓟ ꓕꓲ ꓦꓲ ꓠꓬ ꓢꓯꓸ ꓔꓸ ꓟ ꓐꓳꓽ ꓕꓲ ꓢꓶꓽ ꓙꓱ ꓦꓲ ꓠꓽ ꓔꓶꓸ ꓗꓪ ꓔꓯꓹ ꓓꓵꓽ ꓡ ꓠꓰ ꓙꓳꓺ ꓦꓰꓸ ꓓꓴ ꓗ ꓬꓰꓳ ꓐꓯ ꓡꓳ꓿
ꓴꓢꓮ ꓕꓲ ꓦꓲ ꓢꓴ ꓠꓬ ꓖꓳ-ꓡ ꓪ ꓚꓲ ꓗꓪ ꓗꓹ ꓚꓳ ꓙꓰ ꓢꓲꓸ ꓐꓳꓽ ꓕꓲ ꓢꓶꓽ ꓧꓪ ꓟꓳˍ ꓟ ꓖꓳꓻ ꓔꓯꓹ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓐꓳꓽ ꓖꓳ ꓟ ꓠꓬ ꓟꓽ ꓐꓶꓽ ꓡ ꓢꓰꓽ ꓟ꓾ ꓢꓯꓸ ꓔꓸ ꓟ ꓐꓳꓽ ꓥ ꓐꓶ꓾ ꓐꓯ ꓡꓳ꓿
ꓕꓱ ꓟ ꓔꓯ ꓙꓱ ꓦꓲ ꓠꓽ ꓔꓶꓸ ꓶ ꓤ ꓚꓲꓸ ꓚ ꓢꓴ ꓐꓴ꓿ ꓡꓰ ꓧꓪ ꓟꓳ ꓕꓲ ꓑꓹ ꓮ ꓙꓵꓽ ꓢꓴ ꓔꓯ ꓕꓲ ꓑꓹ ꓔꓷꓹ ꓘꓰꓹ ꓠ ꓗꓷ ꓡꓰꓳ꓾ ꓐꓯ ꓡꓳ꓿
ꓙꓱ ꓦꓲ ꓠꓽ ꓔꓶꓸ ꓶ ꓤ ꓚꓲꓸ ꓚ ꓖꓴ ꓗꓪ ꓧꓪ ꓟꓳˍ ꓟ ꓥ ꓢꓲ꓾ ꓬꓲꓸ ꓪ ꓔꓯ ꓟꓯꓼ ꓐꓴ ꓡꓰ ꓚꓲꓸ ꓚ ꓠꓬꓲ ꓥ ꓟꓲ꓾ ꓠꓱꓸ ꓐꓯꓼ ꓮ ꓫꓵꓽ ꓙꓲ ꓣꓴ ꓓꓴ ꓟꓽ ꓙꓳ꓾ ꓟꓽ ꓢꓷꓸ ꓠꓰ ꓔꓯꓹ ꓡꓻꓳ ꓫꓵꓽ ꓥ ꓟ ꓚꓹ ꓪ ꓡꓰ ꓟ ꓑꓶꓸ ꓓꓴ꓾ ꓐꓳꓽ ꓔꓯ ꓟꓯꓼ ꓐꓴ ꓡꓰ ꓫꓺ ꓔꓸ ꓢꓲ꓾ ꓬꓲꓸ ꓪ ꓕꓲ ꓦꓲ ꓔꓯ ꓙꓱ ꓦꓲ ꓜꓶꓽ ꓡꓽ ꓙꓰ ꓝꓲꓳ꓾ ꓐꓯ ꓡꓳ꓿
ꓬꓲꓸ ꓚꓰ꓾: BBC
