ꓙ-ꓟ ꓒꓽ ꓬꓴ-ꓓꓲ-ꓖ-ꓚꓳꓼ ꓐꓯ ꓢꓴ ꓕꓲ ꓣꓳ ꓠꓬ ꓑ-ꓠ-ꓟ ꓗꓴꓷꓼ ꓬꓲ ꓡꓴꓽ ꓐꓱ ꓗꓪ ꓫꓬꓹ ꓔꓸ ꓦꓲ ꓕꓲꓽ ꓦꓲ ꓠꓯꓸꓼ ꓗꓪ 120 ꓠꓬꓲ ꓔꓬ ꓗꓷ ꓢꓴ ꓥ ꓡꓳ ꓐꓯ ꓢꓲꓸ꓾ ꓖꓰꓹ-ꓠꓰꓼ ꓕꓳ ꓶ ꓗꓪ ꓐꓳ ꓚꓲꓸ ꓟꓶ ꓡꓰꓳ꓿
ꓔꓬ ꓖꓴ ꓦꓲ ꓠꓬ ꓬꓲ ꓙꓬ ꓘꓴꓽ 36 ꓑꓯꓸ ꓗꓪ ꓛꓲ ꓠꓯꓸ ꓟ ꓗꓪ ꓫꓬꓹ ꓔꓸ ꓟ ꓥ ꓡꓳ꓿ ꓦꓲ ꓠꓬ ꓬꓲꓸ ꓕꓴꓽ ꓕꓲꓽ ꓫꓵꓽ ꓥ ꓢꓲꓸ ꓬꓲ ꓙꓬ ꓕꓯꓽ ꓢꓲ ꓗꓪ ꓐꓰ ꓬꓲꓸ ꓕꓴꓽ ꓡꓳ ꓚ ꓘꓳꓽ ꓜꓱꓽ ꓚ ꓙꓰ ꓠ ꓔꓸ ꓟ ꓥ ꓡꓳ꓿
ꓖꓳ ꓗꓪ ꓬꓲꓸ ꓐꓱ ꓶ ꓠꓯ ꓞꓲꓼ ꓚꓹ ꓖꓶ ꓢꓴ꓾ ꓜꓽ ꓓꓴ ꓓꓳ ꓓꓴ ꓦ ꓖꓶ ꓢꓴ ꓙꓳ ꓢꓲ꓾ ꓬꓲꓸ ꓙꓵꓹ ꓟꓬꓽ ꓠꓬꓲ ꓗꓪ ꓠꓬ ꓬꓲꓸ ꓠꓬ ꓕꓲ ꓣꓳ ꓔꓵꓸꓼ ꓬꓲꓼ ꓔꓸ ꓡꓳ꓿ ꓬꓲꓸ ‘ ꓡꓲ ꓔꓬ ꓟ ꓬꓲꓸ ꓢꓯꓸ ꓐꓬꓱꓽ ꓔꓯ ꓥ ꓟꓲ ꓙꓼ ꓗꓪ ꓐꓰ ꓓꓱꓽ ꓣꓴ ꓔꓬ ꓝꓲ ꓡꓳ꓿
“ꓕꓲꓽ ꓖ ꓕꓲ ꓧꓪꓸ ꓠꓲꓹ ꓟ ꓙꓬ ꓡ ꓥ ꓟꓲ꓾ ꓮ ꓟꓶ ꓠꓬ ꓮ ꓫꓵꓽ ꓟꓽ ꓛꓲ ꓬꓰꓳ꓿ ꓗꓹ ꓛꓲ ꓓꓴ ꓒꓬꓱꓼ ꓡꓻꓳ” ꓐꓯ ꓡꓳ꓿
ꓕꓱ ꓟ ꓠꓬ ꓡ ꓠꓹ ꓟ ꓦꓬꓼ ꓠꓬꓲ ꓗꓪ ꓬꓲ ꓡꓴꓽ ꓐꓱ ꓗꓪ ꓡ ꓞꓳ ꓐꓴ ꓔꓬ ꓖꓴ ꓦꓲ ꓬꓰ ꓢꓲꓸ ꓔꓬ ꓠꓹ ꓟ ꓬꓲꓸ ꓪꓴꓸ ꓢꓯꓼ ꓕꓵꓼ ꓩꓴ ꓡ ꓟ ꓕꓲꓽ ꓫꓵꓽ ꓥ ꓡꓳ꓿
