ꓬꓲꓸ ꓢꓯꓼ ꓕꓯꓽ ꓢꓲ 5 ꓝꓸ ꓠꓬꓱˍ ꓟ ꓓꓳꓹ ꓑꓳ ꓡꓳ Hypersonic ꓕꓲ ꓢꓶꓽ ꓔꓯ ꓣ-ꓫ ꓡꓰ ꓬꓴ-ꓗ-ꓣꓲꓸ ꓗꓪ 2022 ꓘꓳꓼ 3 ꓦ 18 ꓠꓬꓲ ꓕꓯꓽ ꓬꓲꓸ ꓪꓴꓸ ꓕꓲ ꓧꓪꓸ ꓐꓶ ꓗꓷꓳ ꓐꓰ ꓣ-ꓫꓸ ꓟꓯꓼ ꓐꓴ ꓡꓰ ꓢꓷ ꓙ ꓟꓴ ꓙ ꓡꓳ꓿
ꓬꓴ-ꓗ-ꓣꓲꓸ ꓐꓶꓽ ꓓꓵꓽ ꓕꓲ ꓛꓱꓽ꓾ Ivano-Frankivsk ꓟꓵꓽ꓾ Deliatyn ꓘꓹ ꓗꓪ ꓙꓳˍ ꓟ꓾ ꓟꓲꓺ ꓠꓯ ꓘꓴ ꓪ ꓙꓳˍ ꓟ ꓬꓴ-ꓗ-ꓣꓲꓸ ꓟꓯꓼ ꓶ ꓤ ꓞꓳꓽ ꓦꓲ ꓔꓯ Hypersonic ꓕꓲ ꓢꓶꓽ ꓐꓶ ꓩꓴ ꓡ ꓟ ꓥ ꓡꓳ꓿
ꓟꓯꓼ ꓢꓰꓼ ꓶ ꓤ ꓕꓱ ꓟ ꓙꓳˍ ꓟ ꓔꓯ ꓟꓳꓸ 2018 ꓘꓳꓼ ꓕꓯꓽ ꓬꓲꓸ ꓪꓴꓸ ꓢꓷ ꓙ ꓟꓴ ꓙ ꓟ ꓗꓪ ꓑꓴ-ꓔꓲ ꓡꓰꓽ “ꓔꓯꓺ ꓓꓴ ꓟꓽ ꓙꓳˍ ꓟ ꓟꓯꓼ ꓶ ꓤꓼ” ꓐꓰ ꓐꓯˍ ꓡꓳ꓿
ꓕꓱ ꓟꓬ ꓠꓬꓱˍ ꓟꓯꓼ ꓓꓳꓹ ꓑꓳ ꓡꓳ ꓔꓯ ꓗꓽ ꓓꓴ ꓶ ꓤꓼ ꓠꓬ ꓟꓲ ꓠꓯ ꓗꓪ ꓮ ꓡꓲ ꓕꓲ ꓗꓴꓷꓼ ꓥ ꓟꓲ ꓟꓽ ꓚꓰꓼ ꓔꓸ ꓡꓲꓸ ꓟꓽ ꓢꓷꓸ ꓐꓰ ꓟꓯꓼ ꓶ ꓤ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓢꓪꓼ ꓔꓬ ꓡꓳ꓿
