ꓟꓴ ꓖꓪ ꓐꓳ/ꓖꓪ ꓒꓽ ꓬꓯ-ꓟꓳ ꓖꓪꓽ ꓗꓷ ꓟ ꓐꓵ ꓞꓲꓽ ꓕꓲ ꓘꓱꓹ ꓔꓯ Online ꓗꓪ ꓐꓰ ꓪꓴꓽ ꓗꓷ ꓠꓬ꓾ ꓠꓻ ꓡꓲ ꓕꓲ ꓙꓵꓹ ꓟ ꓠꓯꓸꓼ ꓗꓪ 24 ꓢꓯꓹ ꓒꓯꓼ ꓡꓰ ꓪꓴ ꓔꓯꓹ ꓙꓰꓳ=
ꓑ ꓫꓬ ꓠꓲꓹ ꓠꓵ ꓟ ꓟꓴ ꓖꓪ ꓐꓳ/ꓖꓪ ꓒꓽ ꓐꓵ ꓞꓲꓽ ꓥ ꓟ ꓑꓶꓸ ꓓꓴ꓾ ꓬꓲꓸ ꓔꓯ ꓓꓵꓽ ꓙ ꓛꓲ ꓡ ꓓꓴ ꓐꓱ ꓶ ꓪꓴ ꓠꓲꓹ ꓫꓵ ꓢꓴ ꓮ ꓘꓶꓸ ꓙꓳ ꓟ ꓥ ꓡꓳ= ꓬꓯ-ꓟꓳ ꓠꓬ ꓟꓴ ꓖꓪ ꓐꓳ ꓒꓽ ꓢꓳꓸ-ꓘꓴ-ꓢꓯꓸ ꓤꓽ ꓕꓲ ꓣꓳ ꓥ ꓡꓳ=
ꓬꓯ-ꓟꓳ ꓠꓬ 6 ꓦ 23 ꓠꓬꓲ ꓕꓯ ꓬꓯ-ꓟꓳ ꓠꓬ ꓗ-ꓬꓲ ꓟꓵꓽ ꓟꓯꓼ ꓤꓹ ꓔꓬ ꓖꓴ ꓕꓲ ꓖ ꓗꓪ ꓦꓰꓼ ꓟ ꓠꓻ ꓡ ꓢꓲꓸ ꓕꓲ ꓕꓶꓹꓼ ꓫꓵꓻ ꓠꓬꓲ꓾ 26 ꓠꓬꓲ ꓕꓯ ꓮ ꓔꓳꓸ ꓰ ꓛꓴ ꓔꓴꓸ ꓗꓷꓳ= ꓬꓲꓸ ꓠꓲꓹ ꓠꓵ ꓟ ꓟꓹ ꓟ ꓡꓰ꓾ “ꓟꓶ ꓤ ꓡꓳꓼ ꓬꓰ ꓠꓬ ꓫꓵꓻ ꓢꓴ ꓔꓯ ꓟꓲ ꓡꓰ ꓚꓰꓼ ꓥꓳ ꓐꓯ ꓖꓶ꓾ ꓥꓪ ꓤꓽꓳ꓾ ꓮ ꓟ ꓠꓽ ꓟꓲ ꓡꓰ ꓟꓽ ꓓ ꓟ= ꓥꓪ ꓤ ꓥꓳ ꓡꓳꓸ ꓗꓷ ꓟ ꓑ ꓫꓬ ꓙꓵꓽ ꓪ ꓓꓰ-ꓟꓳ-ꓗꓯ-ꓢꓰ ꓥ ꓟꓲ ꓠꓲꓹ ꓞ ꓒꓬꓱꓼ ꓡ ꓝꓲ= ꓗꓹ ꓛꓲ ꓔꓬ ꓢ ꓟ ꓟꓵꓽ ꓗꓪ ꓛꓲ ꓝꓲ ꓟꓽ” ꓐꓯ ꓢꓲꓸ ꓧꓹ ꓡꓯ ꓘꓳ ꓫꓸ ꓪ ꓕꓱ ꓗꓷꓳ=
