ꓬꓥ-ꓖꓳꓥ ꓟꓵꓽ꓾ ꓟꓬꓯꓽ-ꓠꓰ-ꓗꓳꓸ ꓓꓽ ꓖꓴ ꓙ ꓖꓴ ꓐꓽ ꓗꓪ ꓐꓳ ꓔꓸ ꓟ ꓐꓬꓱꓽ (Street Art) ꓔꓯ 2022 ꓘꓳꓼ 3 ꓦ 16 ꓠꓬꓲ ꓕꓯꓽ ꓒꓬꓹ ꓩꓴ ꓗꓷ ꓡ ꓟ ꓔꓯ ꓟꓬ-ꓟ ꓐꓱ ꓶ ꓩꓽ ꓗꓴꓷꓼ ꓙ ꓡꓯ ꓘꓳ ꓦꓲ ꓗꓪ ꓐꓰ ꓕꓼ ꓩꓴ ꓡ ꓡꓳ꓿
ꓐꓬꓱꓽ ꓖꓳ ꓟ ꓠꓬ꓾ 2016 ꓘꓳꓼ ꓕꓯꓽ ꓟꓬ-ꓟ ꓗꓴꓷꓼ ꓐꓰ ꓩꓽ ꓗꓴꓷꓼ ꓙ ꓡꓯ ꓘꓳ ꓩꓴ ꓡ ꓟ 55 ꓘꓳꓼ ꓐꓲ ꓡ ꓟ ꓚꓲꓸ ꓟꓶ ꓓꓴ ꓗꓪ ꓐꓰ ꓕꓲ ꓫꓵꓽ ꓥ ꓡꓳ꓾ ꓐꓰ ꓐꓯ ꓔꓸ ꓡꓳ꓿ ꓕꓱ ꓟ ꓔꓯ ꓬꓲꓸ ꓒꓵꓽ ꓟꓽ ꓢꓪꓼ ꓢꓪꓼ ꓕꓱ ꓡꓱ ꓒꓬꓹ ꓒꓬꓹ ꓗ ꓗ ꓬꓰ ꓩꓴ ꓡ ꓟ ꓠꓬ ꓟꓽ ꓜꓳꓽ ꓓꓴ ꓓꓽ ꓟ ꓥꓳ꓾ ꓐꓰ ꓕꓼ ꓕꓳ ꓶ ꓗꓪ ꓐꓯ ꓔꓸ ꓡꓳ꓿
ꓟꓬ-ꓟ ꓟꓯꓼ ꓐꓴ ꓠꓬ꓾ ꓗꓽ ꓔꓸ ꓓꓴ ꓟꓽ ꓙꓳ ꓙꓳ ꓒꓴ ꓒꓴ ꓡꓯꓽ ꓡꓯꓽ ꓫꓸ ꓕꓱ ꓐ ꓡ ꓟ ꓙꓵꓽ ꓪ꓾ ꓚꓰꓼ ꓟꓬꓱꓽ ꓕꓲ ꓫꓵ ꓫꓵ ꓬꓰ ꓓˍ ꓟ ꓙꓵꓽ ꓪ ꓐꓰ꓾ 2 ꓗꓴꓷꓼ ꓠꓬꓲꓽ ꓗꓳꓸ ꓚꓸ ꓗꓪ ꓟ ꓚꓲꓸ ꓟꓶ ꓓꓴ ꓐꓰ ꓚꓰꓼ ꓟꓬꓱꓽ ꓔꓯ ꓒꓵꓽ ꓠꓯˍ ꓡꓳ꓾ ꓐꓰ ꓐꓯ ꓔꓸ ꓡꓳ꓿
ꓟꓬ-ꓟ ꓟꓯꓼ ꓡꓯꓼ ꓛꓲ ꓗꓪ ꓟ ꓟꓬꓱꓽ ꓬꓰ ꓢꓴ ꓐꓴ ꓡꓰꓽ ꓞꓳ ꓢꓰꓼ ꓪ ꓢꓰꓼ ꓟˍ ꓡꓰꓽ ꓟꓽ ꓞꓲ꓾ ꓡꓱ ꓜꓳ ꓗꓪ ꓔꓵꓸ ꓔꓸ ꓢꓴ ꓔꓯˍ ꓟꓲ ꓟꓰꓹ ꓓꓳ ꓡ ꓟ꓾ ꓝꓮꓲ ꓡꓱ ꓜꓳ ꓗꓪ ꓟꓬꓱꓺ ꓐꓳ ꓔꓸ ꓟ ꓔꓯ ꓒꓬꓹ ꓩꓴ ꓗꓷˍ ꓟˍ ꓟꓲ ꓙꓳ ꓡꓳ꓿
ꓮ ꓟꓶ Graffiti Artist 8 ꓣꓳ ꓡꓰ ꓐꓲ ꓔꓸ ꓟ ꓔꓯ ꓮ ꓫꓵꓽ ꓠꓲꓹ ꓟ ꓟꓽ ꓢ ꓓꓴ ꓙꓳ ꓡꓰ ꓢꓲꓸ ꓒꓬꓹ ꓩꓴ ꓔꓬ ꓟ ꓟꓽ ꓢꓷꓸ꓿
