2022 ꓘꓳꓼ 7 ꓦ 5 ꓠꓬꓲ ꓠꓯꓼ 7:38 ꓙꓵꓹ ꓕꓯꓽ ꓬꓥ-ꓖꓳꓥ ꓗꓪ ꓟꓵꓽ ꓙꓴꓽ ꓚꓲꓹ ꓡ ꓡꓳ꓿
ꓰ-ꓢꓰ꓾ ꓡꓮꓲꓽ꓾ ꓢꓸ-ꓛꓮꓳꓹ- ꓔ-ꓗꓯ-ꓔ꓾ ꓟꓬꓮꓳꓼ-ꓓ-ꓖꓳ꓾ ꓟꓬꓮꓳꓼ-ꓳꓼ-ꓗ-ꓡ ꓡꓳ ꓒꓱ ꓗꓪ ꓔꓬ ꓑ ꓫꓬ ꓐꓴ ꓠꓬ ꓟꓵꓽ ꓙꓴꓽ ꓚꓲꓹ ꓢꓯꓼ ꓔꓯ ꓚꓹ ꓪ ꓡꓳ꓿
“ꓬꓲꓼ ꓔꓸ ꓠꓬꓹ ꓓꓴ ꓟ ꓡꓲꓸ ꓧꓪꓸ ꓛꓲꓽ ꓡꓻꓳ꓿ ꓔꓹ ꓥꓽ ꓐꓯ ꓠꓰ ꓬꓲꓼ ꓔꓸ ꓜꓳꓻ ꓟ ꓔꓯ ꓛꓵꓽ ꓩꓴ ꓡ ꓪ ꓡꓰ ꓗ ꓬꓰꓳ ꓟꓽ” ꓐꓰ ꓰ-ꓢꓰꓽ ꓗꓪ ꓔꓬ ꓢꓴ ꓕꓲꓽ ꓣꓳ ꓠꓰ ꓐꓯ ꓡꓳ꓿
ꓟꓵꓽ ꓙꓴꓽ ꓚꓲꓹ ꓢꓯꓼ Magnitude 4.2 ꓙꓳˍ ꓡꓳ꓾ ꓐꓰ ꓟꓶ ꓦ ꓟꓲꓽ ꓦꓲ ꓒꓬꓱꓽ ꓚꓹ ꓜꓴ ꓗꓪ ꓐꓰ ꓐꓯ ꓔꓸ ꓡꓳ꓿
7 ꓦ ꓠꓽ ꓠꓬꓲꓽ ꓠꓬꓲ ꓘꓴꓽ ꓗꓪ ꓟꓵꓽ ꓙꓴꓽ ꓚꓲꓹ ꓡ ꓚꓰꓼ ꓠꓬ “ꓘꓴꓽ ꓒꓽ ꓠꓯꓺ ꓒꓽ ꓐꓰ ꓟꓯꓼ ꓘꓶꓽ ꓙꓳ ꓡ ꓢꓲꓸ ꓙꓵꓽ ꓢꓴ ꓡꓳꓸ ꓢꓴ ꓦ ꓐꓽ ꓡ ꓥ” ꓐꓰ ꓦꓲ-ꓓꓴ ꓒꓽ ꓐꓴ ꓢꓷꓸ ꓠꓲꓹ ꓗꓪ ꓐꓳ ꓔꓸ ꓡꓳ꓿
