ꓒ-ꓗ ꓟꓵꓽ꓾ ꓫꓵꓽ-ꓐꓳ-ꓬ ꓡꓳ ꓒꓱ ꓗꓪ ꓑ ꓫꓬ ꓐꓴ ꓖꓳ ꓑꓳꓸ ꓕ ꓑꓳꓸ ꓔꓶꓼ ꓙꓰ ꓚꓳ ꓟꓽ ꓓ ꓗꓪ ꓛꓲ ꓝꓲꓸ ꓟ ꓔꓯ ꓠꓬꓲꓸ ꓠꓬꓲ 2021 ꓘꓳꓼ 8 ꓦ 20 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓮ ꓔꓲꓸ ꓤꓼ ꓒꓴ ꓩꓴ ꓗꓷꓳ=
ꓗꓳꓸ ꓗꓷ ꓟ 2021 ꓘꓳꓼ 7 ꓦ 13 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓚꓳꓦꓲꓓ-19 ꓠꓻ ꓢꓴ ꓧꓪ ꓟꓳ ꓟ ꓑꓶꓸ ꓓꓴ ꓗꓸ ꓠꓯꓸ ꓠꓬ ꓡꓳ ꓒꓱ ꓗꓪ ꓓꓵꓽ ꓓꓵꓽ ꓓꓳ ꓓꓳ ꓬꓰ ꓟ ꓔꓯ ꓑꓲꓸ ꓩꓴ ꓡ ꓟ ꓥ ꓡꓳ=
“ꓮ ꓟꓶ ꓠꓬ ꓚꓲꓸ ꓚ ꓔꓶꓸ (ꓖꓮꓔꓰ) ꓗꓪ ꓧꓶꓸ ꓕꓯ ꓟꓬ ꓛꓲ ꓟꓽ ꓓ ꓟꓽ ꓢ ꓗꓽ ꓓꓴ ꓟꓽ ꓙꓳ= ꓖꓳ ꓡꓱ ꓥ ꓟꓲ ꓮ ꓔꓳ ꓔꓳ ꓠꓬ ꓓꓵꓽ ꓓꓵꓽ ꓓꓳ ꓓꓳ ꓬꓰ ꓟꓽ ꓓ” ꓐꓰ ꓙꓵꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=
ꓠꓬꓲ ꓠꓬꓲ ꓗꓪ ꓛꓲ ꓫꓵ-ꓐꓳ-ꓬ ꓡꓳ ꓒꓱ ꓗꓪ ꓚꓳꓦꓲꓓ-19 ꓠꓻ ꓫꓵꓽ ꓧꓪ ꓟꓳ ꓢꓴ 241 ꓣꓳ ꓙꓳ ꓢꓲ꓾ 3 ꓣꓳ ꓫꓵꓻꓳ=
