2022 ꓘꓳꓼ 9 ꓦ 9 ꓠꓬꓲ ꓗꓪ ꓪ ꓔꓲꓸ ꓛꓹ-ꓢꓲꓽ -3 ꓠꓬ ꓡ-ꓓ ꓡꓳ ꓒꓱ꓾ ꓐꓯ-ꓗꓲ-ꓦ ꓪ ꓔꓲꓸ ꓙꓻ ꓗꓪ ꓐꓰ꓾ ꓐ-ꓣ-ꓔꓲ ꓗꓴꓷꓼ ꓔꓯ ꓬꓲꓸ ꓪꓴꓸ ꓕꓲ ꓧꓪꓹ ꓫꓸ ꓕꓱ ꓡꓳ꓿
ꓬꓲꓸ ꓫꓸ ꓕꓱ ꓘꓶꓽ ꓗꓪ꓾ ꓫꓵꓻ ꓢꓴ ꓬꓲꓸ ꓟꓹ ꓟ ꓬꓲ-ꓡꓲ-ꓫ-ꓑꓷ-2 ꓠꓬ ꓕꓲ ꓤꓶ ꓡꓱꓸꓼ ꓐ-ꓣ-ꓔꓲ ꓗꓴꓷꓼ ꓐꓱ ꓶ ꓢꓯꓼ ꓕꓵꓼ ꓗꓷ ꓢꓴ ꓥ ꓡꓳ꓾ ꓐꓯ ꓡꓳ꓿
ꓬꓲꓸ ꓦꓲ ꓢꓲ ꓟ ꓗꓯ-ꓔ-ꓣꓲꓸ ꓥ ꓟꓲ ꓪ ꓔꓲꓸ ꓦꓲ ꓢꓲꓺ ꓟ ꓒꓬꓱꓼ ꓡꓻꓳ ꓐꓯ ꓡꓳ꓿
ꓝꓮꓲꓹ ꓬꓲꓸ ꓐꓰ ꓓ-ꓣ-ꓠ ꓐꓴ ꓤ ꓠꓱ ꓦꓯ-ꓣꓲ ꓐꓰ ꓦꓯ-ꓣꓲ ꓦꓲ ꓢꓲꓺ ꓟ ꓟꓲ-ꓖ ꓐꓴ ꓔꓯˍ ꓟꓲ ꓬꓲꓸ ꓠꓵ ꓠꓲꓹ ꓙꓳˍ ꓟ ꓟꓳꓸ ꓖꓶ ꓡꓳ꓿ ꓦꓯ-ꓣꓲ ꓠꓬ ꓐ-ꓣ-ꓔꓲ ꓪ ꓔꓲꓸ ꓫꓵꓽ ꓗꓪ ꓐꓰ ꓓꓳꓺ ꓙꓰ ꓢꓴ ꓐꓴ ꓥ ꓡꓳ꓿
ꓪ ꓔꓲꓸ ꓛꓹ-ꓢꓲꓽ -3 ꓪ ꓔꓲꓸ ꓙꓵꓽ ꓪ ꓗꓪ ꓓꓯꓻ ꓡ ꓟ ꓑꓮꓲ ꓔꓯ ꓠꓬ ꓟꓽ ꓬꓰ ꓢꓰꓽ꓿
96 ꓘꓳꓼ ꓡꓳꓼˍ ꓟ ꓪ ꓔꓲꓸ ꓟ ꓬꓲ-ꓡꓲ-ꓫ-ꓑꓷ -2 ꓠꓬ ꓐ-ꓟꓳ-ꓬꓯ ꓪ ꓔꓲꓸ ꓙꓻ ꓗꓪ 2022 ꓘꓳꓼ 9 ꓦ 8 ꓠꓬꓲ ꓕꓯꓽ ꓫꓵꓻ ꓟ ꓥꓳ
