ꓪꓽ ꓒꓵꓽ ꓟꓽ ꓪ ꓟ ꓑꓶꓸ ꓓꓴ ꓬꓲ-ꓢꓷ-ꓡꓰ — ꓗ-ꓠꓯ-ꓓ ꓒꓽ ꓯ-ꓣ-ꓐꓯ-ꓟ-ꓠ-ꓫꓯ (Air Ben-Menashe) ꓠꓬ ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓢꓴ ꓐꓴ ꓐꓱ ꓶ ꓟꓵ ꓗꓳ ꓓꓵ ꓓꓵ ꓗꓪ ꓟ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓫꓸ ꓕꓱ ꓙ ꓠꓹ ꓟ ꓟꓬꓱꓽ ꓔꓯ ꓬꓰ ꓠꓽ ꓗꓷꓳ ꓐꓯ ꓡꓳ=
ꓮ-ꓟꓯ-ꓣꓲ-ꓗ ꓐꓰ ꓠꓱꓸ ꓐꓯꓼ ꓗꓴꓷꓼ ꓓꓽ ꓟ ꓡꓰ ꓟꓬ-ꓟ ꓔꓯ ꓶ ꓡꓯꓼ ꓚꓱꓹ ꓮ ꓙꓵꓽ ꓞꓲꓽ ꓑꓲꓸ ꓗꓷ ꓟ ꓑꓶꓸ ꓓꓴ ꓬꓲꓸ ꓪꓽ ꓒꓵꓽ ꓖꓶ ꓟꓽ ꓙꓲ꓾ ꓣꓴ ꓟꓽ ꓙꓲ ꓗꓷ ꓡꓰ ꓟ ꓥ ꓡꓳ ꓐꓰ꓾ ꓐꓯ ꓡꓳ=
ꓬꓲꓸ ꓠꓬ ꓚꓠꓠ ꓓꓳꓽ ꓐꓯ ꓒꓬꓱ ꓜꓴ ꓔꓯ ꓟꓬ-ꓟ ꓗꓴꓷꓼ ꓗꓪ ꓧꓳꓽ ꓓꓵ ꓡ ꓢꓴ ꓥ ꓢꓲ꓾ ꓟꓬ-ꓟ ꓗꓴꓷꓼ ꓑ ꓫꓬ ꓙꓵꓽ ꓪ ꓦꓴ ꓢꓴ ꓐꓴ ꓐꓱ ꓶ ꓫꓸ ꓕꓱ ꓙ ꓒꓵꓽ ꓓꓳ-ꓡ 2 ꓪꓹ ꓟꓶ ꓠꓹ ꓟ ꓪꓽ ꓔꓸ ꓢꓴ ꓥ ꓡꓳ=
Ari Ben-Menashe ꓔꓯ 1951 ꓘꓳꓼ ꓕꓯ ꓦꓵ ꓔꓸ ꓢꓴ ꓥ ꓢꓲ꓾ ꓲ-ꓣ ꓞꓳ ꓫꓵꓽ꓾ ꓬꓰ-ꓢꓷ-ꓡꓰ – ꓮ-ꓟꓯ-ꓣꓲ-ꓗ ꓶ ꓡꓯꓼ ꓬꓰ ꓢꓴ꓾ ꓟꓯꓼ ꓚꓱꓹ ꓔꓯ ꓟꓳꓸ ꓚꓴ ꓬꓲꓹ ꓖꓶ ꓢꓴ ꓐꓰ꓾ ꓕꓳ ꓶ ꓐꓳ ꓒꓽ ꓕꓲ ꓣꓳ ꓥ ꓡꓳ= ꓬꓲꓸ ꓠꓬ 1977 ꓗꓪ ꓐꓰ 87 ꓘꓳꓼ ꓗꓪ ꓛꓲ ꓬꓰ-ꓢꓷ-ꓡꓰ ꓛꓽ ꓒꓽ ꓐꓰ꓾ ꓑꓳ ꓶ ꓡꓯꓼ ꓙ ꓖꓴ ꓝꓰꓸ ꓙ ꓢꓴ ꓬꓰ ꓗꓷꓳ= ꓬꓲꓸ ꓔꓬ ꓦꓲ ꓠꓬ ꓗ-ꓠꓯ-ꓓ ꓗꓴꓷꓼ ꓗꓪ ꓙꓳ ꓢꓲ꓾ ꓖꓳ ꓗꓪ ꓶ ꓤ ꓶ ꓟꓲ ꓚꓰꓹ ꓓꓵꓽ ꓚꓰꓹ ꓓꓳ ꓶ ꓡꓯꓼ ꓬꓰ ꓡꓳ= 1989 ꓘꓳꓼ ꓕꓯ ꓲ-ꓣ ꓗꓴꓷꓼ ꓗꓪ ꓟꓯꓼ ꓐꓬꓱ ꓦꓲ 3 ꓦꓲ ꓪꓴꓽ ꓖꓶ ꓠꓹ ꓟ ꓙꓽ ꓖꓶ ꓟ ꓔꓯ ꓮ-ꓟꓯ-ꓣꓲ-ꓗ ꓢꓷꓸ ꓡꓰ ꓠꓬꓲ ꓬꓲꓸ ꓔꓯ ꓕꓳ ꓦꓲ ꓗꓪ 1 ꓘꓳꓼ ꓐꓱ ꓗꓷꓳ= ꓬꓲꓸ ꓠꓬ ꓶ ꓡꓯꓼ ꓬꓰ ꓒꓽ꓾ ꓛꓽ ꓒꓽ ꓐꓰ꓾ ꓘꓴ ꓘꓴ ꓠꓯ ꓠꓯ ꓟꓬꓱꓽ ꓮ ꓟꓬꓹ ꓬꓰ ꓢꓴ꓾ ꓟꓬꓱꓺ ꓐꓬ ꓡꓰ ꓔꓸ ꓢꓴ ꓕꓲ ꓣꓳ ꓥ ꓡꓳ=
