ꓗ-ꓛꓲ ꓟꓵ꓾ ꓪꓮꓲꓹ-ꓟꓳ ꓡꓳ ꓒꓱ ꓗꓪ ꓡꓲ-ꓢꓴ 1 ꓦꓲ 1 ꓣꓳ ꓟꓯꓼ ꓗꓶ ꓡ ꓠꓹ ꓟ ꓢꓲꓽ ꓒ ꓡ-ꓡꓴ ꓫꓱ-ꓟꓷꓼ ꓡꓯꓼ ꓓꓴ ꓢꓽ ꓔꓸ ꓟ ꓘꓴ ꓕꓳ ꓶ ꓕꓲ ꓚꓴꓸ 2022 ꓘꓳꓼ 4 ꓦ 1 ꓠꓬꓲ ꓕꓯꓽ ꓓꓳ ꓡ ꓡꓳ꓿
ꓟꓯꓼ ꓜꓴ ꓖꓳ ꓔꓯ ꓪꓮꓲ-ꓟꓳ ꓡꓲ-ꓢꓴ ꓫꓵꓽ ꓪꓴꓽ ꓟꓴ ꓡ ꓚꓱꓹ ꓔꓳꓹ ꓙ ꓟꓯꓼ ꓜꓴ ꓐꓰ ꓟꓬꓱꓺ ꓖꓶ ꓔ ꓡꓳ꓿
ꓢꓷ ꓙ ꓟꓴ ꓙ ꓘꓶꓽ ꓠꓬ 2022 ꓘꓳꓼ 3 ꓦ 21 ꓠꓬꓲ ꓕꓯꓽ ꓪꓮꓲ-ꓟꓳ ꓗꓪ ꓟ ꓞꓳ ꓪꓴꓽ ꓞꓳ ꓟ ꓐꓴ ꓖꓪ ꓙꓱ ꓔꓸ ꓟ ꓘꓶꓽ ꓔꓯ ꓢꓷꓸ ꓩꓴ ꓡ ꓟ ꓥ ꓡꓳ꓾ ꓐꓰ ꓐꓯ ꓔꓸ ꓡꓳ꓿
ꓧꓶꓸ ꓕꓯꓽ ꓑ-ꓔꓲ ꓧꓳꓽ ꓢꓴ꓾ ꓮ ꓟꓶ ꓟꓯꓼ ꓜꓴ ꓧꓳꓽ ꓢꓴ ꓢꓲꓽ ꓒ ꓡ-ꓡꓴ ꓫꓱ-ꓟꓷꓼ ꓡꓰꓽ ꓡꓯꓼ ꓓꓴ ꓢꓽ ꓔꓸ ꓟ ꓕꓳ ꓶ ꓗꓪ ꓟꓬ-ꓟ ꓗꓴꓷꓼ ꓒꓯꓽ ꓕꓲ ꓛꓱꓽ꓾ ꓝꓮꓲ ꓕꓲ ꓛꓱꓽ ꓗꓪ ꓠꓬ ꓢꓲꓽ ꓢꓲꓽ ꓟ ꓘꓴ ꓗꓪ ꓛꓬꓹ ꓒꓴ ꓒꓴ ꓐꓬꓱꓽ ꓗꓶꓺ ꓔꓸ ꓟ ꓒꓯꓽ ꓗꓶ ꓔ ꓡꓳ꓿
2022 ꓘꓳꓼ 4 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓕꓲ ꓘꓳꓼ ꓗꓪ ꓡꓲ-ꓢꓴ ꓕꓲ ꓦꓲ ꓜꓻ ꓒꓴ 2 ꓡꓳꓽ꓾ ꓒꓴ 10ꓹ000 ꓒꓯꓼ ꓗꓶ ꓠꓹ ꓟ꓾ ꓝꓮꓲ ꓟꓯꓼ 1 ꓦꓲ 1 ꓣꓳ ꓗꓶ ꓡ ꓠꓹ ꓟ ꓢꓷ ꓙ ꓟꓴ ꓙ ꓔ ꓡꓳ꓿
