ꓣ-ꓫꓸ ꓗꓴꓷꓼ ꓡꓰ ꓣꓴ-ꓗ-ꓣꓲꓸ ꓔꓯ ꓢꓰꓼ ꓡ ꓟ ꓙ ꓖꓴ ꓐꓰ ꓗꓪꓽ ꓫꓵꓽ ꓢꓲꓸ ꓛꓽ ꓓꓳꓽ ꓟꓽ ꓚꓽꓽ ꓜꓳ ꓟ ꓑꓶꓸ ꓓꓴ꓾ ꓩꓽ ꓗꓴꓷꓼ ꓟꓯꓼ ꓛꓽ ꓒꓽ ꓬꓲꓸ ꓜꓲꓽ ꓗꓽ Éric Vidaud ꓔꓯ ꓟꓬꓱꓽ ꓠꓽ ꓩꓴꓳ꓾ ꓩ ꓗꓴꓷꓼ ꓙꓵꓽ ꓜꓴ ꓡꓰ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 31 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓣ-ꓫꓸ ꓠꓬ ꓣꓴ-ꓗ-ꓣꓲꓸ ꓔꓯ ꓟꓯꓼ ꓟꓽ ꓢꓰꓼ ꓡ ꓐꓰ ꓬꓲꓸ ꓡꓰ ꓩꓽ ꓗꓴꓷꓼ ꓙꓵꓽ ꓜꓴ ꓔꓯ ꓮ ꓟꓬꓹ ꓧꓪꓹ ꓓꓳꓽ ꓜꓳ ꓗꓷ ꓡꓳ꓿ ꓢꓰꓼ ꓡ ꓕꓯꓽ ꓥ ꓟꓲ 1-2 ꓠꓬꓲ ꓘꓴꓽ ꓗꓪ ꓫꓬꓻ ꓡꓰˍ ꓥꓳ ꓐꓰ ꓐꓯˍ ꓢꓰꓽ ꓡꓳ꓿ ꓖꓳ ꓟ ꓥ ꓟꓲ ꓟꓽ ꓚꓽ꓿
ꓩꓽ ꓗꓴꓷꓼ ꓙꓵꓽ ꓜꓴ ꓠꓬ ꓐꓶꓽ ꓗꓴꓷꓼ ꓐꓴˍ ꓐꓰ ꓫꓸ ꓕꓱ ꓖꓪ ꓙꓱ ꓟ ꓗꓪ꓾ ꓣ-ꓫꓸ ꓐꓰ ꓖꓪ ꓙꓱ ꓟ ꓗꓪ ꓛꓽ ꓒꓽ ꓓꓳꓽ ꓟꓽ ꓚꓽ ꓟ ꓑꓶꓸ ꓓꓴ ꓫꓸ ꓔꓳ ꓫꓸ ꓒꓯꓼ ꓗ ꓬꓰꓳ꓾ ꓐꓯ ꓡꓳ꓿ ꓖꓳ ꓟ ꓑꓶꓸ ꓓꓴ ꓓꓳꓽ ꓙꓲ ꓙꓲ ꓛꓽ ꓟꓽ ꓐ ꓡ ꓢꓴ ꓔꓯ ꓟꓬꓱꓽ ꓠꓽ ꓩꓴ ꓗꓷꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
ꓬꓲ ꓚꓰ꓾ ꓓꓠꓪ
