2026 ꓘꓳꓼ 4 ꓦ 2 ꓠꓬꓲ ꓕꓯꓽ ꓧꓶꓽ ꓒꓽ ꓟꓵ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓡꓰꓼ ꓡ ꓢꓴ ꓮ-ꓡꓲꓹ-ꓟꓲꓸ ꓔꓯ ꓟꓴ-ꓢꓯ ꓗꓪ ꓟꓲꓼ-ꓟꓬꓼ ꓑ-ꓣ-ꓟꓲ ꓬꓰ ꓙ ꓜꓴ (မူဆယ်- မြင့်မြတ်ပါရမီ) ꓗꓪ ꓘꓳ ꓣꓴ ꓖꓶ ꓔꓸ ꓡꓳ꓿
ꓬꓲꓸ ꓫꓸ ꓕꓱ ꓓꓳ ꓡ ꓟ ꓗꓪ꓾ ꓬꓲꓸ ꓠꓬ ꓟ-ꓘꓰꓹ꓾ ꓟꓶ-ꓚꓲ-ꓠ ꓢꓴ ꓥ ꓢꓲ꓾ ꓧꓶꓽ ꓒ ꓟꓵꓽ ꓗꓪ ꓔꓬ ꓙꓰ ꓟ ꓟꓶ ꓤ ꓡꓳꓼ ꓡꓰꓳ꓿ ꓬꓲꓸ ꓟꓵ ꓬꓲ ꓡꓳ ꓗꓪ ꓕꓲ ꓧꓪꓹ ꓡꓽ ꓙꓰ ꓠꓲꓹ ꓫꓵꓳ ꓐꓰ ꓬꓲꓸ ꓦꓲ ꓢꓲ ꓒ ꓔꓯ ꓐꓯ ꓕꓯꓽ ꓬꓲꓸ ꓦꓲ ꓢꓲ ꓒꓽ ꓡꓰ ꓛꓲ ꓙꓴꓽ ꓓꓶꓺ ꓩꓴ ꓡ ꓢꓲꓸ ꓙ ꓖꓴ ꓫꓱꓽ ꓟꓽ ꓙꓲ ꓗꓷ ꓡꓰꓳ꓿ ꓤ ꓠꓱ ꓥ ꓟꓲ 2 ꓣꓳ ꓔꓬ ꓒꓰꓹꓳ꓾ ꓐꓯ ꓡꓳ꓿
ꓠꓲꓹ ꓟ ꓙꓲˍ ꓟ ꓧꓶꓽ ꓒ ꓙꓳˍ ꓟ ꓡꓰ ꓐꓰ ꓠꓲꓹ ꓟ ꓮ ꓘꓶꓸ ꓟꓽ ꓙꓲ ꓢꓴ ꓥ ꓟꓲ ꓙꓳˍ ꓠꓬꓲ꓾ ꓧꓶꓽ ꓟꓵꓽ ꓗꓪ ꓚꓳ ꓑꓸ ꓬꓰ ꓔꓬ ꓠ ꓗꓷ ꓡꓰ ꓢꓴ ꓮ ꓟꓬꓹ ꓙꓳˍ ꓡꓳ꓾ꓐꓰ ꓢꓷꓸ ꓪ ꓡꓳ꓿
ꓮ ꓟꓶ ꓧꓶꓽ ꓒ ꓦꓲ ꓢꓲ ꓟ ꓬꓰ ꓠꓹ ꓟ ꓟꓬ-ꓟ ꓗꓴꓷꓼ ꓗꓪ ꓮ ꓘꓶꓸ ꓧꓪ ꓔꓬ ꓡꓳ꓿ ꓒꓴ ꓮ ꓟꓬꓹ ꓪ ꓥꓳ ꓐꓰ ꓗꓶꓸ ꓙ ꓔꓬ ꓢꓴ꓾ ꓝꓸ ꓖꓶ ꓔꓬ ꓢꓴ ꓙꓳˍ ꓡꓳ꓿
ꓧꓶꓽ ꓗꓴꓷꓼ ꓠꓬ ꓤ ꓠꓱ ꓕꓲ ꓣꓳˍ ꓡꓰ ꓫꓳꓽ ꓠꓹ ꓟ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓙꓵꓽ ꓗ ꓔꓶ ꓗꓷ ꓕ ꓑꓳꓸ꓾ ꓦꓵ ꓡ ꓥ ꓟꓲ ꓤ ꓑꓸ ꓤꓼ ꓔꓯˍ ꓡꓰ ꓠꓲꓹ ꓫꓵˍ ꓠꓬꓲ (ꓤ ꓟꓶ ꓤ ꓥ ꓐꓭ ꓠꓬ ꓠꓯ ꓞꓲꓼ ꓕꓴꓸ ꓢꓰꓼ ꓩꓴˍ ꓡꓳ)꓾ ꓮ ꓟꓶ ꓠꓬ ꓧꓶꓽ ꓒꓽ ꓗꓴꓷꓼ ꓗꓪ ꓤ ꓑꓸ ꓤ 250 ꓢꓯꓹ ꓠꓬ ꓦꓲ ꓢꓲ ꓟ ꓟꓽ ꓙꓳ ꓢꓴ/ ꓧꓪ ꓪ ꓟꓽ ꓓ ꓢꓴ ꓒꓬꓱꓼ ꓡ ꓔꓬ ꓡꓳ꓿
