ꓧꓶꓽ ꓒꓽ ꓗꓴꓷꓼ ꓕꓽ ꓡꓯ ꓐꓯ ꓢꓲꓸ ꓡꓰ ꓗꓹ ꓫꓵꓸ ꓔꓬ ꓜꓽ ꓟꓶꓽ ꓠꓬꓲꓽ ꓴꓢꓮ ꓗꓴꓷꓼ ꓑ ꓫꓬ ꓝꓲ ꓓꓴ ꓜꓴ (ꓙꓱ ꓘꓪ ꓕꓲꓽ ꓝꓸ) ꓢꓽ ꓡ ꓙꓵꓽ ꓢꓴ ꓠ-ꓢꓰ-ꓑ-ꓡꓳ-ꓢꓰ ꓠꓬ ꓮ ꓟꓶ 2022 ꓘꓳꓼ 8 ꓦ 2 ꓠꓬꓲ ꓕꓱ ꓕꓲꓽ ꓑꓹ ꓗꓪ ꓕꓮꓲ-ꓪ ꓗꓪ ꓙꓰ ꓔꓬꓳ꓿
ꓬꓲꓸ ꓜꓶꓽ ꓔꓸ ꓟ ꓙꓱ ꓦꓲ ꓢꓑꓮꓣ19 ꓔꓯ ꓴꓢꓮ ꓙꓱ ꓦꓲ ꓟꓯꓼ ꓐꓰ ꓬꓲ ꓙꓬ ꓞꓽ ꓒꓳꓽ ꓟꓯꓼ ꓐꓴ ꓗꓽ ꓚꓳꓸ ꓙ ꓢꓲꓸ ꓕꓮꓲ-ꓪ ꓗꓴꓷꓼ꓾ ꓕꓮꓲ-ꓑꓯ ꓙꓱ ꓦꓲ ꓠꓽ ꓔꓶꓸ ꓗꓪ ꓕꓮꓲ-ꓪ ꓠ ꓡꓲꓺ 11 ꓙꓵꓹ꓾ ꓟꓬ-ꓟ ꓠ ꓡꓲꓺ 9 ꓙꓵꓹ ꓙ ꓙ ꓕꓯꓽ ꓥꓪꓽ ꓓꓵꓽ ꓙꓰ ꓓꓴ ꓥ ꓡꓳ꓿
ꓕꓮꓲ-ꓪ ꓗꓴꓷꓼ ꓠꓬ ꓧꓶꓽ ꓗꓴꓷꓼ ꓔꓯꓸ ꓟ ꓥ ꓡꓳ꓾ ꓖꓳ ꓗꓪ ꓴꓢꓮ ꓐꓰ ꓐꓶꓽ ꓗꓴꓷꓼ ꓗꓪ ꓐꓰ ꓡ ꓟꓽ ꓓ ꓐꓰ ꓗꓽ ꓔꓬ ꓟ ꓗꓪ ꓕꓱ ꓡꓱ ꓡ ꓟ ꓪꓴꓸ ꓠꓬꓲ ꓐꓶ ꓡꓯꓽ ꓘꓳ ꓓꓴ ꓙꓳ ꓡ ꓥ ꓢꓶ? ꓐꓰ ꓕꓲꓽ ꓟꓲ ꓠꓯ ꓢꓰꓸ ꓮ ꓢꓸ ꓔꓬ ꓡꓳ꓿
“ꓠꓲꓹ ꓟ ꓞꓰꓸ ꓞꓰꓸ ꓔꓲꓸ ꓥꓳ ꓟꓽ꓿ ꓧꓶꓸ ꓕꓯꓽ ꓚꓴꓸ-ꓐꓸ ꓫꓵꓽ ꓪꓴ ꓟˍ ꓡꓰ ꓐꓰ ꓥꓳ꓿ ꓗꓴꓷꓼ ꓓꓽ ꓜꓰ ꓡꓯ ꓘꓳ ꓡ ꓐꓯ ꓠꓽ ꓟꓲ ꓠꓯ ꓬꓲꓸ ꓧꓶꓽ ꓗ ꓬꓰ ꓡ ꓥꓳ” ꓐꓰ ꓢꓪꓼ ꓢꓴ ꓐꓴ ꓙ ꓫꓸ ꓔꓬ ꓡꓳ꓿
