ꓧꓶꓽ ꓗꓴꓷꓼ ꓪꓴꓸ ꓓꓵ ꓫꓲ-ꓚꓰ-ꓑꓲ ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲ ꓠꓬ ꓧꓶꓽ ꓒ ꓗꓴꓷꓼ꓾ ꓔꓲ-ꓬ-ꓚꓰꓸ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ 2025 ꓘꓳꓼ 8 ꓦ 30 ꓠꓬꓲ ꓕꓯꓽ ꓜꓲ ꓡꓯ ꓘꓳ ꓡꓳ꓿
ꓟꓬ-ꓟ ꓗꓴꓷꓼ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲ ꓧꓶꓽ ꓗꓴꓷꓼ ꓗꓪ ꓙꓰˍ ꓟ 2ꓧꓪꓸ ꓕꓲꓽ ꓧꓪꓸ ꓕꓯꓽ ꓧꓶꓽ ꓗꓴꓷꓼ ꓪꓴꓸ ꓓꓵ ꓔꓯ ꓜꓲ ꓟꓶ ꓡꓰ ꓟ ꓥ ꓡꓳ꓿
ꓕꓱ ꓟ ꓡꓰ ꓐꓰ ꓟꓬ-ꓟ ꓗꓴꓷꓼ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓪ ꓣꓴ ꓓꓳ ꓡꓰ ꓗꓸ ꓠꓯꓸ ꓣ-ꓫꓸ ꓗꓴꓷꓼ ꓗꓪ ꓠꓬꓲꓽ ꓧꓪꓸ ꓛꓲ ꓬꓰ ꓢꓲ꓾ ꓠꓬꓲꓽ ꓧꓪꓸ ꓕꓲ ꓧꓪꓸ ꓗꓪ ꓣ-ꓫꓸ ꓗꓴꓷꓼ ꓪꓴꓸ ꓓꓵ ꓔꓯ ꓜꓲ ꓡꓯ ꓘꓳ ꓪ ꓗꓷꓳ꓿
ꓕꓱ ꓡꓱ ꓘꓳ ꓣꓴ ꓟ ꓠꓬ꓾ ꓟꓬ-ꓟ ꓗꓴꓷꓼ ꓔꓯ ꓟꓬ-ꓟ ꓟꓯꓼ ꓡꓰ ꓧꓳꓽ ꓣꓱꓽ ꓟ ꓙ ꓖꓴ ꓔꓯ ꓣ-ꓫ ꓗꓴꓷꓼ꓾ ꓧꓶꓽ ꓒꓽ ꓗꓴꓷꓼ ꓙꓵꓽ ꓢꓴ ꓐꓴ ꓢꓯꓼ ꓖꓶ ꓔꓬ ꓟ ꓢꓷꓸ ꓡꓰ ꓓꓴ ꓥ ꓡꓳ꓿
