“ꓠꓴ ꓪ ꓡꓯ ꓒꓯꓹ ꓗꓪ ꓙꓳ ꓟ ꓧꓶꓽ ꓒ ꓩꓴꓸ (phones) ꓮ ꓙꓵꓽ ꓠꓲꓹ ꓞ ꓶꓹ ꓡꓳꓺ ꓩꓴ ꓗꓷ” ꓐꓰ ꓡꓲ-ꓔꓴ-ꓠꓲ-ꓬ ꓗꓴꓷꓼ ꓗꓽ ꓟꓯꓼ ꓜꓲꓽ ꓓꓽ ꓟ ꓡꓰ ꓐꓯ ꓩꓴ ꓡ ꓡꓳ=
ꓧꓶꓽ ꓩꓴꓸ ꓗꓪ “ꓡꓲꓹ ꓗꓷ ꓟꓶˍ ꓟ ꓗꓪꓹ-ꓜꓴ ꓟꓵꓽ꓾ ꓕꓮꓲ-ꓪ ꓓꓰ-ꓟꓳ-ꓗꓯ-ꓢꓰ” ꓕꓱ ꓡꓱꓳ ꓫꓵꓽ ꓕꓳ ꓶ ꓝꓳꓹ ꓐꓳ ꓡ ꓠꓬ ꓛꓽ ꓐ ꓡ ꓟ ꓙꓼ ꓢꓷꓸ ꓠꓲꓹ ꓗꓶ ꓔꓸ ꓟ ꓡꓰꓽ ꓟꓽ ꓞꓲ꓾ ꓣꓳ ꓮ ꓫꓵꓽ ꓟꓬꓱꓽ ꓬꓰ ꓔꓬ ꓟ ꓔꓯ ꓶꓽ ꓤ ꓗꓪ ꓐꓰ ꓐꓬꓱꓽ ꓓꓱꓽ ꓐ ꓡ꓾ ꓬꓲꓸ ꓢꓯꓼ ꓠ ꓠꓹ ꓐ ꓡ ꓟ ꓙꓼ ꓶ ꓤꓼ ꓗꓶ ꓔꓸ ꓟ ꓔꓯ ꓡꓳꓸ ꓟꓳˍ ꓠꓬꓲ꓾ ꓡꓲ-ꓔꓴ-ꓠꓲ-ꓬ ꓗꓴꓷꓼ ꓗꓽ ꓟꓯꓼ ꓜꓲꓽ ꓓꓽ ꓟ ꓡꓰ ꓕꓱ ꓡꓱ ꓕꓱ ꓩꓴ ꓡ ꓟ ꓥ ꓡꓳ=
ꓧꓶꓽ ꓒꓽ ꓶ ꓤꓼ ꓫꓲꓮꓳꓟꓲ ꓩꓴꓸ ꓗꓪ ꓧꓶꓽ ꓗꓴꓷꓼ ꓙꓵꓽ ꓢꓴ ꓐꓴ ꓟꓽ ꓠꓵˍ ꓟ ꓐꓯ ꓘꓶꓽ 499 ꓘꓶꓽ ꓙꓳ ꓡꓳ= ꓖꓳ ꓕꓳ ꓶ ꓝꓳꓹ ꓐꓴ ꓔꓯ ꓐꓳ ꓡ ꓢꓴ ꓐꓴ ꓮ ꓡꓲ ꓗꓪ ꓔꓬ ꓟ꓾ ꓮ ꓟ ꓥˍ ꓟ ꓔꓯ ꓛꓽ ꓪ ꓡꓰ ꓠꓹ ꓟ ꓬꓲꓸ ꓪꓻ ꓕꓴ ꓔꓸ ꓟ ꓥ ꓡꓳ= ꓴ-ꓣꓳ ꓗꓴꓷꓼ ꓐꓴ ꓗꓪ ꓪꓴꓽ ꓖꓶ ꓔꓬ ꓟ ꓧꓶꓽ ꓩꓴꓸ ꓐꓴ ꓔꓯ ꓕꓱ ꓡꓱ ꓛꓽ ꓟꓽ ꓙꓲ ꓠꓹ ꓟ ꓑꓲꓸ ꓔꓸ ꓥ ꓟꓲ꓾ ꓬꓲꓸ ꓚꓰꓺ ꓗꓪ ꓐꓰ ꓮ ꓕꓯ ꓠꓲꓹ ꓫꓵ ꓖꓳ ꓕꓯ ꓒꓴ ꓩꓴ ꓡ ꓢꓲ꓾ ꓐꓬꓱꓽ꓾ ꓬꓲꓸ ꓢꓯꓼ꓾ ꓕꓳ ꓶ ꓮ ꓙꓵꓽ ꓔꓯ ꓛꓽ ꓐ ꓡ ꓡꓳ ꓐꓰ ꓙꓼ ꓢꓷꓸ ꓠꓲꓹ ꓧꓪ ꓟꓰꓹ ꓢꓴ ꓐꓴ ꓡꓰ ꓡꓳꓸ ꓟꓳ ꓡꓰꓳ ꓐꓯ ꓡꓳ=
ꓬꓳꓹ ꓚꓲ ꓟ ꓐꓯ ꓘꓶꓽ ꓓꓳꓽ ꓙ ꓡꓯ ꓘꓳ ꓠꓹ ꓟ ꓦ ꓡꓱ ꓐꓳ ꓟꓽ ꓓ ꓟ ꓚꓱꓹ ꓮ ꓟꓬꓹ ꓓꓳ ꓡ ꓔꓬ ꓡꓳ= ꓚꓲ ꓛꓬ ꓡꓰ ꓪꓴꓻ ꓔꓸ ꓟ ꓩꓴꓸ ꓠꓬ ꓚꓲ ꓛꓬ ꓔꓯ ꓛꓽ ꓢꓴ ꓒꓬꓱꓼ ꓡ ꓔꓬ ꓡꓳ=
ꓣꓰꓝꓽ ꓐꓐꓚ
