ꓧꓶꓽ ꓗꓴꓷꓼ ꓫꓲ-ꓚꓸ ꓗꓪ ꓪꓰ-ꓖ ꓞꓳ ꓫꓵꓽ ꓔꓯ ꓠꓬꓲꓸ ꓤꓲ ꓟ ꓐꓰ꓾ ꓞꓳ ꓫꓵꓽ ꓐꓰ ꓡꓲꓽ ꓒꓰꓼ ꓟꓶ ꓡꓰ ꓗꓪ ꓛꓲ ꓬꓰ ꓔꓬ ꓟ ꓠꓬ ꓚꓽ ꓪ ꓐꓰ ꓐꓯ-ꓡꓲ-ꓙꓰ-ꓬ ꓗꓴꓷꓼ ꓑ ꓫꓬ ꓝꓲ ꓓꓴ ꓜꓲꓼ ꓓꓴ ꓗꓪ ꓐꓰ ꓘꓳ ꓣꓴ ꓗꓷꓳ=
ꓧꓶꓽ ꓒꓽ ꓗꓴꓷꓼ ꓗꓪ ꓔꓬ ꓟ ꓪꓰ-ꓖ ꓞꓳ ꓫꓵꓽ ꓐꓴ ꓠꓬ ꓲ-ꓢꓲ-ꓡ ꓦ ꓡꓱ ꓚꓱꓹ ꓦ ꓡꓱ ꓢꓴ ꓥ ꓢꓲ꓾ ꓧꓶꓽ ꓒꓽ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓬꓲꓸ ꓪ ꓞꓳ ꓙꓳ ꓚꓱꓹ ꓡꓲ ꓒꓰꓼ ꓮ ꓙꓵꓽ ꓔꓯ ꓫꓬꓹ ꓡꓶꓸ ꓩꓴ ꓠꓹ ꓟ ꓞꓳ ꓜꓴ ꓞꓳ ꓟꓯꓼ ꓔꓯ ꓡꓴꓽ ꓔꓸ ꓟ꓾ ꓠꓬꓲꓸ ꓤꓲ ꓟ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓟꓲ ꓠꓯ ꓗꓪ ꓟ ꓛꓽ ꓒꓽ ꓐꓴ ꓡꓰ ꓐꓯ ꓓꓳ ꓡ ꓟ ꓥ ꓡꓳ=
ꓧꓶꓽ ꓒꓽ ꓐꓴ ꓠꓬ ꓖꓳ ꓡꓱ ꓟꓽ ꓥ꓾ ꓬꓲꓸ ꓪ ꓞꓳ ꓙꓳ ꓚꓱꓹ ꓪꓴꓽ ꓟꓴ ꓡ ꓠꓹ ꓟ ꓢꓯꓼ ꓖꓶ ꓔꓬ ꓟ ꓥ ꓡꓳ ꓐꓰ ꓒꓶ ꓫꓬ ꓔꓬ ꓢꓲ꓾ ꓞꓳ ꓫꓵꓽ ꓟꓶꓽ ꓡꓰ ꓗꓪ ꓛꓲ ꓢꓰꓼ ꓔꓬ ꓟ ꓐꓰ꓾ ꓠꓬꓲꓸ ꓤꓲ ꓔꓬ ꓟ ꓟꓽ ꓙꓳ ꓐꓯ ꓡꓳ=
ꓗ-ꓠꓯ-ꓓ꓾ ꓧꓳ-ꓡ꓾ ꓐꓣꓲ-ꓔꓲ꓾ ꓡꓲ-ꓔꓴ-ꓬꓯ-ꓠꓲ-ꓬ꓾ ꓛꓯꓼ ꓗꓴꓷꓼ ꓗꓪ ꓟ ꓑ ꓫꓬ ꓝꓲ ꓓꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓧꓶꓽ ꓒꓽ ꓡꓰ ꓪꓰ-ꓖ ꓞꓳ ꓫꓵꓽ ꓟꓶꓽ ꓡꓰ ꓗꓪ ꓛꓲ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓘꓳ ꓣꓴ ꓗꓷꓳ= ꓮ ꓟꓶ ꓐꓯ-ꓡꓲ-ꓙꓰ-ꓬ ꓗꓴꓷꓼ ꓠꓬ ꓕꓱ ꓡꓱ ꓘꓳ ꓣꓴ ꓟ ꓑ ꓫꓬ ꓝꓲ ꓓꓴ ꓜꓲꓼ ꓓꓴ (6) ꓟ ꓕꓲ ꓟ ꓟ ꓒꓬꓱꓼ ꓡ ꓡꓳ=
ကနဒေါ၊ ဟောျလနျ၊ ဗွိတိနျ၊ လဈသူယေးနီးယားနှငျ့ ခကြျချပါလီမနျမြားသညျ
