ꓮꓳ-ꓢ-ꓢꓴ-ꓚꓰꓽ ꓐꓰ꓾ ꓮꓳ-ꓢ-ꓳꓸ ꓐꓴ ꓦꓲꓻ ꓐꓱ ꓠ ꓐꓼ 54 ꓔꓯ ꓟꓳꓸ ꓫꓵꓽ ꓪꓴ ꓔꓯ ꓮꓳ-ꓢꓸ-ꓳꓸ ꓠꓰ ꓠꓲꓹ ꓘꓪ ꓟꓽ ꓫꓵ ꓕꓲ ꓧꓪꓹ ꓕꓱ ꓡ ꓠꓬ ꓮ ꓟꓶ ꓡ ꓠꓹ ꓟ 2022 ꓘꓳꓼ 6 ꓦ 27 ꓠꓬꓲ ꓗꓪ ꓟꓴ ꓡꓳꓹ ꓬꓰˍ ꓟ ꓫꓵꓽ ꓘꓶꓽ ꓖꓴ ꓗꓪ ꓠ ꓠꓹ ꓓꓴ ꓥꓳ꓾ ꓐꓰ ꓢꓷ ꓙ ꓟꓴ ꓙ ꓡꓳ꓿
ꓮꓳ-ꓢ-ꓳꓸ ꓡꓰ “ꓟꓲ ꓠꓯ ꓐꓰ ꓦꓲ ꓕꓲꓽ ꓣꓳ ꓕꓲ ꓐꓶꓽ ꓪ ꓙꓲꓽ ꓙꓳˍ ꓥ” ꓐꓰ ꓐꓯ ꓡꓳ꓿
“ꓒꓯꓽ ꓐꓯ ꓡꓵ ꓡꓵꓹ ꓒꓯꓽ꓾ ꓟꓽ ꓒꓯꓽ ꓐꓯ ꓠꓴ ꓫꓵꓸ ꓖꓶ ꓫꓵꓸ ꓤꓼ꓿ ꓟꓽ ꓥ ꓐꓯ ꓪꓴꓽ ꓩꓴ ꓢꓲꓸ ꓕꓲꓽ ꓣꓳ ꓕꓲ ꓐꓶꓽ ꓐꓹ ꓡꓯ ꓘꓳ ꓡꓯ” ꓐꓰ ꓐꓐꓚ ꓗꓪ ꓐꓯ ꓔꓸ ꓟ ꓙꓳˍ ꓡꓳ꓿
ꓦꓲ ꓕꓱ ꓟ ꓠꓬ ꓟꓯꓼ ꓜꓲꓽ ꓮꓳ-ꓢꓸ ꓫꓵꓻ ꓗꓸ ꓠꓯꓸ ꓬꓲꓸ ꓦꓲ ꓢꓲ ꓟ ꓘꓰ-ꓚꓰꓺ ꓔꓯ ꓖꓶꓽ ꓔꓸ ꓟ ꓥ ꓢꓲꓸ ꓮ ꓟꓶ ꓗꓪ ꓛꓲ ꓮꓳ-ꓢ-ꓢꓴ-ꓚꓰꓽ ꓔꓬˍ ꓗꓳꓸ ꓡ ꓟ ꓦꓲ ꓥ ꓡꓳ꓿
