2021 ꓘꓳꓼ 9 ꓦ 20 ꓠꓬꓲ ꓕꓯ Global Centre for Responsibility to Protect (GCR2P) ꓡꓰ ꓧꓳꓽ ꓣꓱꓽ ꓟ ꓜꓲꓼ ꓓꓴ ꓗꓪ ꓔꓺ ꓢꓲꓸ ꓫꓸ ꓕꓱ ꓗꓷ ꓟ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓐꓰ ꓗꓪꓽ ꓫꓵꓽ ꓢꓲ꓾ ꓟꓬ-ꓟ ꓙꓵꓽ ꓪ ꓦꓴ ꓟꓯꓼ ꓡꓰ ꓗꓹ ꓫꓵꓸ ꓗꓹ ꓐꓵ ꓕꓳ ꓶ ꓕꓲ ꓚꓴꓸ 9 ꓦ 23 ꓠꓬꓲ ꓕꓯ ꓐꓳ ꓩꓴ ꓡ ꓡꓳ꓿
ꓬꓲ ꓠꓬ ꓗꓴꓷꓼ ꓟꓬꓱꓽ ꓙꓵꓽ ꓪ ꓗꓪ ꓐꓰ ꓓꓳ ꓙꓰ ꓝꓲ ꓔꓸ ꓢꓴ꓾ ꓗꓴꓷꓼ ꓗꓪ ꓐꓰ ꓐꓯ ꓟꓴ ꓩꓴ ꓔꓸ ꓢꓴ ꓥ ꓟ ꓐꓰ꓾ ꓝꓮꓲ ꓗꓸ ꓚꓵ ꓟꓽ ꓙꓳ ꓙꓳ ꓮ ꓔꓳ ꓔꓳ ꓫꓸ ꓕꓱ ꓔꓬ ꓟ ꓜꓲꓼ ꓓꓴ ꓧꓳꓽ ꓜꓴ ꓖꓚꓣ2ꓑ ꓥ ꓟ꓾ ꓝꓮꓲ ꓡ ꓠꓹ ꓟ ꓗꓪ ꓟꓲ ꓠꓯ ꓗꓴꓷꓼ ꓜꓴ ꓐꓰ ꓗꓴꓷꓼ ꓮ ꓙꓵꓽ ꓚꓳ-ꓟꓳꓹ-ꓕꓴꓸ ꓔꓯ ꓜꓲꓼ ꓓꓴ ꓗꓪ ꓕꓽ ꓘꓴ ꓠꓹ ꓟ꓾ ꓕꓽ ꓙ ꓡꓯ ꓘꓳ ꓠꓹ ꓟ ꓙꓵꓽ ꓪ ꓦꓴ ꓟꓯꓼ ꓐꓴ ꓐꓳ ꓔ ꓡꓳ꓿
ꓖꓳ ꓡꓱ ꓥ ꓟꓲ ꓟꓬ-ꓟ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓠꓬ ꓟꓬ-ꓟ ꓑ ꓫꓬ ꓠꓲꓹ ꓡꓶꓽ ꓔꓯ ꓕꓱ ꓟꓸ ꓢꓴ ꓕꓲ ꓣꓳ ꓥ ꓟ ꓐꓰ꓾ ꓟꓲ ꓠꓯ ꓗꓴꓷꓼ ꓜꓴ ꓜꓲꓼ ꓓꓴ ꓓꓽ ꓟ ꓗꓪ ꓡ ꓠꓹ ꓟ 11 ꓦ ꓗꓪ ꓛꓲ ꓔꓬ ꓝꓲ ꓠꓹ ꓟ ꓴꓢꓮ ꓐꓰ ꓧꓶꓽ ꓗꓴꓷꓼ ꓐꓴ ꓠꓲꓹ ꓧꓳꓹ ꓗꓷꓳ꓿
