ꓣ-ꓫꓸ ꓪ ꓔꓲꓸ ꓑꓴ-ꓔꓲ ꓠꓬ꓾ ꓬꓲꓸ ꓗꓴꓷꓼ ꓪ ꓖꓪ ꓙꓱ ꓜꓲꓼ ꓓꓴ ꓜꓲꓼ ꓛꓲ ꓡ ꓟ ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓢꓴ ꓪꓴꓸ ꓓꓵ ꓣꓱꓽ ꓢꓴ ꓟꓰꓹ-ꓮꓳ-ꓡꓮꓲ ꓔꓯ ꓟꓽ ꓜꓲ ꓐꓰ ꓣ-ꓫꓸ ꓪ ꓔꓲ ꓐꓱ ꓶ ꓫꓸ ꓕꓱ ꓢꓴ ꓓꓲ-ꓟꓲ-ꓕ-ꓑꓯ-ꓢꓲ-ꓗꓳ (Dmitry Peskov) ꓡꓰ ꓐꓯ ꓒꓬꓱ ꓩꓴ ꓡ ꓡꓳ=
ꓮ ꓟꓶ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓰꓹ-ꓮꓳ-ꓡꓮꓲ ꓠꓬ 6 ꓦ 22-24 ꓠꓬꓲ ꓗꓪ ꓛꓲ ꓣ-ꓫꓸ ꓡꓰ ꓧꓳꓽ ꓪꓴ ꓟꓴ ꓢꓲ ꓣꓱꓽ ꓬꓰ ꓔꓬ ꓟ ꓖꓪ ꓙꓱ ꓜꓲꓼ ꓓꓴ ꓕꓲ ꓟ ꓗꓪ ꓔꓺ ꓔꓬ ꓟ ꓥ ꓡꓳ= ꓬꓲꓸ ꓠꓬ ꓣ-ꓫꓸ ꓗꓴꓷꓼ ꓟꓯꓼ ꓜꓲꓽ ꓕꓲ ꓣꓳ ꓥ ꓟ ꓠꓲ-ꓗꓳ-ꓡꓮꓲ ꓑꓯ-ꓕ-ꓣꓴ-ꓫꓯꓼ (Nikolai Patrushev) ꓔꓯ ꓠꓬ ꓜꓲꓽ ꓡꓯ ꓘꓳ ꓓꓳ ꓡꓰꓳ ꓐꓯ ꓡꓳ=
ꓮ ꓟꓶ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓗꓪ ꓣ-ꓫꓸ ꓠꓬ ꓟꓯꓼ ꓶ ꓤ ꓪꓴꓽ ꓪ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓡꓰ ꓐꓰ꓾ ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓰꓹ-ꓮꓳ-ꓡꓮꓲ ꓥ ꓟꓲ ꓬꓲꓸ ꓙꓵꓽ ꓪ ꓕꓶ ꓡꓰ ꓠꓹ ꓟ ꓣ-ꓫꓸ ꓡꓰ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓬꓰ ꓙ ꓡ ꓠꓹ ꓟ ꓐꓰ꓾ ꓟꓯꓼ ꓶ ꓤꓼ ꓪꓴ ꓠꓹ ꓟ ꓙ ꓡꓯ ꓘꓳ ꓔꓬ ꓟ ꓥ ꓡꓳ=
ꓖꓳ ꓡꓱ ꓥ ꓟꓲ ꓧꓶꓸ ꓕꓯ ꓑ ꓫꓬ ꓙꓵꓽ ꓪ ꓙꓳ ꓟ ꓦꓬꓼ ꓠꓬꓲ ꓗꓪ ꓑ ꓫꓬ ꓪ ꓔꓲꓸ ꓕꓲ-ꓚꓳ꓾ ꓐꓰ ꓑ ꓫꓬ ꓧꓳꓽ ꓪꓴꓸ ꓟꓴ ꓢꓴ ꓮꓳ-ꓢꓸ-ꓢꓴꓸ-ꓚꓰꓽ ꓐꓴ ꓔꓯ ꓘꓳ ꓣꓴ ꓟ ꓡꓰ ꓐꓰ ꓟꓽ ꓥ= ꓣ-ꓫꓸ ꓗꓴꓷꓼ ꓪ ꓔꓲꓸ ꓠꓬ ꓟꓰꓹ-ꓮꓳ-ꓡꓮꓲ ꓔꓯ ꓟꓽ ꓜꓲ ꓐꓯ ꓟ ꓡꓰ ꓟꓽ ꓞꓲ꓾ ꓐꓬꓱ ꓦꓲ ꓠꓽ ꓔꓶꓸ ꓗꓪ ꓥ ꓟꓲ ꓗꓷꓴꓼ ꓪꓴꓸ ꓓꓵ ꓣꓱꓽ ꓢꓴ ꓕꓲ ꓣꓳ ꓔꓯ ꓘꓳ ꓣꓴ ꓟ ꓡꓰ ꓐꓰ ꓟꓽ ꓥ ꓟ ꓡꓳꓸ ꓟꓳ ꓓ ꓡꓳ=
