ꓬꓴ-ꓗ-ꓣꓲꓸ ꓗꓴꓷꓼ ꓗꓲ-ꓬꓯꓼ (kyiv) ꓡꓳ ꓒꓱ ꓗꓪ ꓔꓯꓹ ꓛꓲ ꓡ ꓟ ꓣ-ꓫꓸ ꓟꓯꓼ ꓢꓰꓼ ꓙꓼ ꓪꓴꓸ ꓠꓷꓸ ꓓꓽ ꓟ The Krasukha-4 ꓔꓯ ꓣꓴ ꓕꓲ ꓡꓰꓳ꓾ ꓐꓰ ꓬꓴ-ꓗ-ꓣꓲꓸ ꓟꓯꓼ ꓗꓪ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓙꓼ ꓕꓱ ꓟ ꓠꓬ ꓣ-ꓫꓸ ꓙꓱ ꓦꓲ ꓐꓴ ꓔꓯ ꓬꓴ-ꓗ-ꓣꓲꓸ ꓟꓯꓼ ꓙꓱ ꓦꓲ ꓛꓽ ꓙꓼ ꓡꓰꓽ ꓟꓳꓻ ꓟꓽ ꓐ ꓡ ꓠꓹ ꓟ ꓐꓰ꓾ ꓮ ꓒꓳ ꓒꓳ ꓗꓪ ꓣꓱꓽ ꓙꓲˍ ꓟ ꓟꓯꓼ ꓢꓰꓼ ꓙꓼ ꓪꓴꓸ ꓠꓷꓸ ꓘꓴꓸ ꓥ ꓡꓳ ꓐꓯ ꓡꓳ꓿
ꓕꓱ ꓟ ꓔꓯ ꓟꓳ-ꓓꓳ ꓒꓽ ꓡꓰ ꓖꓳꓻ ꓔꓯꓹ ꓡ ꓢꓲꓸ ꓟꓲ ꓠꓯ ꓕꓲ ꓔꓳꓸ ꓔꓳꓸ ꓗꓪ ꓔꓶꓺ ꓩꓴ ꓡ ꓠꓬ ꓛꓴ ꓙꓳ ꓢꓴ ꓟꓯꓼ ꓶ ꓤ ꓮ ꓡꓲ ꓗꓪ ꓮ ꓡꓲ ꓟꓬꓱꓽ ꓬꓰˍ ꓟ꓾ ꓙ ꓡꓯ ꓘꓳˍ ꓟ ꓛꓽ ꓢꓷꓸ ꓪ ꓓ ꓡꓳ꓾ ꓐꓰ ꓐꓯ ꓡꓳ꓿
ꓙꓼ ꓒꓱ ꓕꓱ ꓟ ꓠꓬ ꓣ-ꓫꓸ ꓟꓯꓼ ꓢꓷꓸ ꓠꓲꓹ ꓔꓯ ꓧꓪ ꓟꓰꓹ ꓠꓲꓹ ꓫꓵ ꓔꓬ ꓟ ꓴꓢꓮ ꓐꓰ ꓠꓮꓔꓳ ꓐꓱ ꓶ ꓒꓵꓽ ꓶꓽ ꓓꓽ ꓟ ꓡꓰ ꓐꓰ ꓢꓪꓼ ꓔꓬ ꓢꓴ꓾ ꓕꓱ ꓟ ꓔꓯ ꓙ-ꓟꓶ-ꓠꓰ ꓗꓪ ꓚꓲꓹ ꓛꓲꓳ ꓐꓰ ꓢꓪꓼ ꓔꓬ ꓡꓳ꓿
