ꓣ-ꓫꓸ ꓡꓰ ꓬꓴ-ꓗ-ꓣꓲ ꓟꓵꓽ ꓦꓴꓻ ꓟꓯꓼ ꓢꓰꓼ ꓔꓬ ꓟ ꓓꓴꓽ ꓠꓽ ꓩꓴ ꓗꓷ꓾ ꓐꓰ 2022 ꓘꓳꓼ꓾ 3 ꓦ 16 ꓠꓬꓲ ꓕꓯꓽ ꓲꓚꓙ- International Court of Justice ꓡꓰ ꓐꓯ ꓟꓴ ꓘꓶꓽ ꓩꓴ ꓡ ꓡꓳ꓿
ꓐꓯ ꓞꓷꓹ ꓠꓹ ꓟ ꓐꓯ ꓟꓴ ꓘꓶꓽ ꓒꓽ ꓐꓴ ꓟꓯꓹ ꓗꓶꓺ ꓡꓯ ꓘꓳ ꓕꓯꓽ 13 ꓗꓴꓷꓼ ꓗꓰ ꓐꓰ ꓡˍ ꓟ ꓐꓯ ꓟꓴ ꓘꓶꓽ ꓒꓽ ꓐꓴ ꓣ-ꓫꓸ ꓔꓯ ꓗꓽ ꓠꓹ ꓟ ꓠꓲꓹ ꓧꓳꓹ ꓗꓷ ꓢꓲ꓾ ꓧꓶꓽ ꓐꓰ ꓣ-ꓫꓸ ꓠꓬꓲꓽ ꓗꓴꓷꓼ ꓗꓪ ꓐꓰ ꓡˍ ꓟ ꓐꓯ ꓟꓴ ꓘꓶꓽ ꓒꓽ (2) ꓣꓳ ꓠꓬ ꓟꓽ ꓪꓽ (ꓗꓸ ꓗꓪꓯꓼ) ꓡꓳ꓿
ꓐꓯ ꓟꓴ ꓘꓶꓽ ꓔꓸ ꓟ ꓔꓯ ꓣ-ꓫꓸ ꓛꓳ ꓫꓳ/ ꓟꓽ ꓛꓳ ꓫꓳ ꓚꓹ ꓟꓽ ꓠ ꓢꓰ꓿ ꓟꓽ ꓛꓳ ꓫꓳ ꓠꓬ ꓮ ꓟꓶ ꓟ ꓕꓯꓽ ꓢꓲ ꓟꓵ ꓗꓳ ꓓꓵ ꓓꓵ ꓗꓴꓷꓼ ꓐꓴ ꓡꓰꓽ ꓣ-ꓫꓸ ꓔꓯ ꓶ ꓡꓯꓼ ꓑꓲꓸ ꓞꓲꓽ ꓚꓱꓹ ꓬꓼ ꓬꓼ ꓬꓰ ꓡ ꓥꓳ ꓐꓰ ꓢꓪꓼ ꓔꓬ ꓡꓳ꓿
ꓕꓱ ꓕꓲ ꓧꓪꓹ ꓐꓯ ꓟꓴ ꓘꓶꓽ ꓢꓲꓽ ꓒꓽ ꓐꓴ ꓗꓪ ꓐꓰ ꓲ-ꓓꓲ-ꓬ ꓠꓬ ꓣ-ꓫꓸ ꓬꓰˍ ꓟ ꓟꓽ ꓜꓳꓽ ꓐꓯ ꓢꓲꓸ ꓕꓼ ꓢꓴ ꓕꓲ ꓛꓱꓽ ꓗꓪ ꓦꓰꓼ ꓡ ꓢꓲ꓾ ꓧꓶꓽ ꓠꓬ ꓣ-ꓫꓸ ꓔꓯ ꓔꓺ ꓔꓬ ꓢꓰꓽ ꓡꓳ ꓐꓰ ꓒꓴ ꓒꓴ ꓡꓯꓽ ꓡꓯꓽ ꓡꓳꓸ ꓓꓳ ꓡ ꓡꓳ꓿
