ꓟꓯꓼ ꓘꓶꓽ ꓪꓴꓸ ꓗꓪ ꓟꓽ ꓓ ꓟꓽ ꓢ ꓫꓵꓻ ꓘꓵ ꓑꓴ ꓝꓲ ꓢꓴ ꓣ-ꓫꓸ ꓟꓯꓼ ꓜꓲꓽ ꓕꓲ ꓣꓳ ꓔꓯ ꓬꓲꓸ ꓟꓯꓼ ꓤ ꓡꓰ ꓔꓼ ꓟꓳ-ꓓꓳ ꓫꓵꓸ ꓕꓯꓼ ꓢꓰꓼꓳ ꓐꓰ the Guardian ꓓꓳꓽ ꓗꓪ ꓐꓳˍ ꓡꓳ꓿
ꓬꓲꓸ ꓠꓬ ꓣ-ꓫꓸ ꓟꓯꓼ ꓜꓴ 37 ꓧꓳꓽ ꓪꓴꓸ ꓟꓴ ꓢꓴ Colonel Yuri Medvedev ꓥ ꓡꓳ꓿ ꓬꓲꓸ ꓟꓯꓼ ꓜꓴ 2 ꓩꓴꓸ ꓕꓲ ꓩꓴꓸ ꓠꓬ ꓟꓯꓼ ꓘꓶꓽ ꓗꓪ ꓫꓵꓻ ꓖꓴ ꓢꓲ꓾ ꓜꓰ ꓞꓹ ꓢꓴ ꓟꓯꓼ ꓐꓴ ꓠꓬ ꓠꓲꓹ ꓧꓶ ꓟꓬ ꓧꓶ ꓡ ꓢꓲ꓾ ꓬꓲꓸ ꓔꓯ ꓒꓳꓹ ꓔꓳꓹ ꓢꓰꓼ ꓡ ꓟ ꓥꓳ꓾ ꓐꓯ ꓡꓳ꓿
ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰ ꓔꓬ ꓟ
ꓛꓬ-ꓛꓰꓸ ꓟꓯꓼ ꓐꓴ ꓡꓰ ꓬꓲꓸ ꓔꓯ ꓠꓲꓹ ꓞ ꓚꓬꓴꓹ ꓣꓴ ꓢꓲꓸ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰ ꓗꓸ ꓠꓯꓸ ꓛꓲ ꓒꓯꓹ ꓠꓬꓲꓽ ꓐ ꓓꓶꓺ ꓩꓴ ꓠ ꓗꓷ ꓡꓰꓳ꓾ ꓐꓯ ꓡꓳ꓿
ꓖꓳ ꓡꓱ ꓥ ꓟꓲ ꓮ ꓡꓲ ꓡꓲ ꓗꓷ ꓡꓰˍ ꓟ ꓠꓬ ꓟꓯꓼ ꓘꓶꓽ ꓪꓴꓸ ꓗꓪ ꓟ ꓫꓵꓽ ꓪꓴꓻ ꓥ ꓠꓬꓲ꓾ ꓜꓲ ꓜꓲ ꓟꓴ ꓟꓴ ꓟꓽ ꓢꓷꓸ ꓢꓰ꓿ ꓢꓷꓸ ꓥ ꓟꓲ ꓑꓲꓸ ꓔꓸ ꓡ ꓥꓳ꓾ ꓐꓰ ꓐꓶ ꓓꓵꓽ ꓕꓲ ꓒꓳꓹ ꓗꓪ ꓟ ꓓꓳꓽ ꓕꓳ ꓶ ꓗꓪ ꓐꓳ ꓔꓬ ꓡꓳ꓿
ꓢꓴ ꓟꓵꓽ ꓢꓴ ꓗꓴꓷꓼ ꓔꓯ ꓦꓴ ꓔꓬ ꓟ ꓑꓶꓸ ꓓꓴ ꓣ-ꓫꓸ ꓟꓯꓼ ꓐꓴ ꓓꓵꓽ ꓙ ꓚꓱꓹ ꓗꓪ ꓘꓶ ꓡꓶꓽ ꓓꓴ ꓙꓳˍ ꓢꓲ꓾ ꓞꓳ ꓙꓳ ꓚꓱꓹ ꓗꓪ ꓠꓲꓹ ꓟ ꓗꓹ ꓟꓽ ꓛꓲꓽ (morale problem) ꓢꓴ ꓟꓬꓽ ꓡ ꓔꓬ ꓡꓳ꓾ ꓐꓯ ꓡꓳ꓿
ꓠꓬꓲꓸ ꓠꓬꓲ ꓗꓪ ꓛꓲ ꓣ-ꓫꓸ ꓡꓰ ꓝꓲ ꓔꓸ ꓟ ꓟꓯꓼ 7000 ꓗꓪ ꓐꓰ 15000 ꓣꓳ ꓛꓲ ꓠꓬ ꓟꓯꓼ ꓘꓶꓽ ꓗꓪ ꓫꓵꓻ ꓖꓴꓳ꓾ ꓐꓰ ꓴꓢ ꓡꓰ ꓢꓪꓼ ꓔꓬ ꓡꓳ꓿
ꓬꓲꓸ ꓚꓰ꓾https://www.theguardian.com/world/2022/mar/25/russian-troops-mutiny-commander-ukraine-report-western-officials?CMP=Share_AndroidApp_Otherhttps://www.theguardian.com/world/2022/mar/25/russian-troops-mutiny-commander-ukraine-report-western-officials?CMP=Share_AndroidApp_Other
