ꓣ-ꓫꓸ ꓗꓴꓷꓼ ꓔꓦ ꓗꓪ ꓓꓳꓽ ꓐꓯ ꓒꓬꓱ ꓢꓴ ꓐꓴ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓢꓴ ꓮ ꓟꓬꓹ ꓙꓳ ꓡꓻꓳ ꓐꓰ ꓟꓳ-ꓢꓲ-ꓗꓳ ꓗꓪ ꓐꓰ ꓓꓳꓽ ꓓꓳ ꓡ ꓡꓳ꓿
ꓟꓬꓱꓽ ꓗꓪ ꓐꓰ ꓓꓳ ꓙꓰ ꓢꓴ ꓐꓴ ꓠꓯꓸꓼ ꓗꓪ ꓗꓴꓷꓼ ꓙꓵꓽ ꓜꓴ ꓠꓲꓹ ꓡꓶꓽ ꓔꓯ ꓫꓵꓽ ꓓꓳꓽ ꓐꓳ ꓖꓶ ꓚ ꓟꓸ ꓖꓶ ꓔꓬ ꓟ ꓜꓴ NTV ꓗꓪ ꓟꓬꓱꓽ ꓬꓰ ꓔꓬ ꓢꓴ Lilia Gildeyeva ꓥ ꓟꓲ ꓐˍ ꓡꓳ꓿
ꓬꓲ ꓠꓬ ꓔꓴ-ꓣ-ꓗꓲ ꓗꓴꓷꓼ ꓗꓪ ꓓꓳꓽ ꓢꓯꓸ ꓐꓬꓱꓽ ꓚꓲꓹ ꓣꓴ ꓠꓹ ꓟ ꓙꓰ ꓛꓲ ꓕꓯꓽ ꓣ-ꓫꓸ ꓗꓪ ꓡꓽ ꓡ ꓓꓴ ꓟꓽ ꓥꓻꓳ꓾ ꓟꓬꓱꓽ ꓗꓪ ꓐꓰ ꓓꓳ ꓙꓰˍ ꓥꓳ꓾ ꓐꓯ ꓢꓲ ꓣ-ꓫꓸ ꓗꓪ ꓔꓬ ꓟ ꓬꓲꓸ ꓪ ꓓꓳꓽ ꓙꓵꓽ ꓦꓲ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓕꓳ ꓶ ꓐꓳ ꓩꓴˍ ꓡꓳ꓿
ꓬꓲ ꓠꓬ 2006 ꓘꓳꓼ ꓗꓪ ꓐꓰ NTV ꓗꓪ ꓟꓬꓱꓽ ꓓꓵꓽ ꓡ ꓢꓲ꓾ ꓣ-ꓫ ꓗꓴꓷꓼ ꓙꓵꓽ ꓢꓴ ꓑꓴ-ꓔꓲ ꓡꓰ “ꓓꓳꓽ ꓔꓯ ꓟꓳꓸ ꓑꓶꓸ ꓢꓴ ꓓ ꓢꓴ” ꓡꓯꓼ ꓫꓴ ꓖꓶ ꓟꓶ ꓔꓸ ꓢꓴ ꓕꓲ ꓣꓳ ꓥ ꓡꓳ꓿
“ꓣ-ꓫꓸ ꓠꓰ ꓬꓴ-ꓗ-ꓣꓲꓸ ꓔꓯ ꓟꓯꓼ ꓢꓰꓼ ꓔꓬ ꓟ ꓔꓯ ꓘꓳ ꓣꓴ ꓟꓽ ꓐ ꓡ꓿ ꓝꓮꓲ ꓗꓴꓷꓼ ꓙꓵꓽ ꓜꓴ ꓗꓶꓸ ꓘꓶꓽ ꓔꓯ ꓓꓳꓽ ꓐꓯ ꓒꓬꓱꓻ ꓙ ꓟꓽ ꓐ ꓡ꓿ ꓑ ꓫꓬ ꓔꓯ ꓟꓽ ꓜꓳ ꓟꓽ ꓔꓱꓹ ꓕꓱ ꓡꓱ ꓗꓶꓸ ꓟꓽ ꓐ ꓡ” ꓐꓰ ꓬꓲꓸ ꓟꓬꓱꓽ ꓗꓪ ꓐꓰ ꓓꓳ ꓙꓰˍ ꓟ ꓕꓳ ꓶ ꓗꓪ ꓐꓳ ꓔ ꓡꓳ꓿
ꓕꓱ ꓟ ꓡꓰ ꓐꓰ ꓣ-ꓫꓸ ꓗꓴꓷꓼ ꓙꓵꓽ ꓜꓴ ꓡꓰ ꓗꓪꓼ ꓫꓵꓽ ꓔꓬ ꓟ ꓓꓳꓽ ꓐꓯ ꓒꓬꓱꓻ ꓜꓴ ꓮ ꓟꓬꓹ ꓗꓪ ꓐꓰ ꓓꓳꓽ ꓟꓬꓱꓽ ꓬꓰ ꓢꓴ ꓐꓴ ꓓꓳ ꓙꓰ ꓔꓬ ꓡꓳ꓿
ꓬꓲ ꓚꓰ꓾ ꓐꓠꓠ
