ꓣ-ꓫꓸ ꓐꓰ ꓟꓬ-ꓟ ꓒꓴ ꓞꓳꓽ ꓦꓲ ꓐꓴ ꓝꓸ ꓡꓯ ꓘꓳ ꓓꓴ ꓖꓪ ꓙꓱ ꓔꓳꓼ

ꓡ ꓠꓹ 5 ꓦ ꓐ ꓘꓴꓽ ꓟꓬ-ꓟ ꓕꓲ ꓛꓱꓽ ꓗꓪ ꓐꓰ ꓗꓸ ꓘꓳˍ ꓟ ꓕꓲ ꓠꓬꓲ ꓠꓬꓲ ꓗꓪ ꓣ-ꓫꓸ ꓐꓰ ꓟꓬ-ꓟ ꓒꓴ ꓞꓳꓽ ꓦꓲ ꓐꓴ ꓖꓪ ꓙꓱ ꓠꓹ ꓟ ꓙꓽ ꓖꓶ ꓔꓬ ꓟ ꓓꓳꓽ ꓓꓳ ꓡ ꓡꓳ꓿

ꓕꓳ ꓶ ꓕꓱ ꓟ ꓠꓬ ꓟꓬ-ꓟ ꓒꓴ ꓞꓳꓽ ꓦꓲ ꓚꓰꓺ ꓗꓪ ꓐꓰ ꓓꓳ ꓡ ꓟ ꓥ ꓢꓲ꓾ ꓣ-ꓫꓸ ꓗꓴꓷꓼ ꓗꓪ ꓐꓰ ꓒꓴ ꓞꓳꓽ ꓦꓲ 5 ꓟ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ Innwa Bank Ltd ꓐꓰ꓾ Myawaddy Bank Ltd ꓐꓴ ꓝꓸ ꓡꓯ ꓘꓳ ꓠꓹ ꓟ ꓥ ꓡꓳ꓾ ꓐꓯ ꓡꓳ꓿

ꓕꓱ ꓡꓱ ꓖꓪ ꓙꓱ ꓠꓹ ꓟ ꓣ-ꓫꓸ ꓗꓪ ꓐꓰ ꓬꓲꓸ ꓪꓴꓸ ꓖꓪ ꓙꓱ ꓡ ꓟ ꓥ ꓢꓲ꓾ ꓟꓬ-ꓟ ꓕꓲ ꓛꓱꓽ ꓗꓪ ꓐꓰ ꓓꓽ ꓔꓳꓹ ꓓꓴ ꓬꓰˍ ꓟ ꓡꓰ ꓐꓰ ꓐꓳ ꓔꓸ ꓡꓳ꓿

ꓧꓶꓸ ꓕꓯꓽ ꓕꓱ ꓡꓱ ꓝꓸ ꓡꓯ ꓘꓳ ꓟ ꓟꓽ ꓙꓳ꓾ ꓮ ꓟꓶ ꓬꓲꓸ ꓪꓴꓸ ꓕꓲ ꓧꓪꓹ ꓢꓯꓼ ꓕꓵꓼ ꓡˍ ꓟ ꓥ ꓡꓳ꓿