ꓠꓬꓲꓸ ꓠꓬꓲ 2025 ꓘꓳꓼ 10 ꓦ 13 ꓠꓬꓲ ꓕꓯꓽ ꓮ ꓠꓲꓹ ꓧ-ꓟ-ꓢꓲ ꓟꓯꓼ ꓡꓰ ꓣꓴ ꓡꓴꓽ ꓔꓸ ꓢꓴ ꓬꓲ-ꓢꓷ-ꓡꓰ ꓡ ꓞꓳ 20 ꓣꓳ ꓔꓯ ꓡꓲꓹ ꓖꓶ ꓩꓴ ꓡ ꓢꓲ꓾ ꓬꓲ-ꓢꓷ-ꓡꓰ ꓕꓲ ꓒꓳꓹ ꓗꓪ ꓐꓰ ꓥ ꓟꓲ ꓣꓴ ꓡꓴꓽ ꓔꓸ ꓟ ꓧ-ꓟ-ꓢꓲ ꓟꓯꓼ 2,000 ꓣꓳ ꓡꓲꓹ ꓖꓶ ꓩꓴ ꓡ ꓡꓳ꓿
ꓕꓱ ꓟ ꓠꓬ ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓡꓰ ꓧꓳꓽ ꓪꓴꓸ ꓟꓴ ꓢꓲꓸ ꓢꓲ ꓡꓲꓹ ꓡꓰ ꓠꓹ ꓟ ꓙ ꓟꓳ ꓘꓶꓽ 20 ꓘꓶ ꓗꓪ ꓐꓰ ꓬꓰ ꓓꓳ ꓡ ꓟ ꓬꓲꓸ ꓢꓶꓽ ꓥ ꓡꓳ꓿
ꓣꓴ ꓡꓴꓽ ꓔꓸ ꓢꓲꓸ ꓫꓵꓻ ꓢꓴ ꓐꓴ ꓥ ꓟꓲ ꓙꓳ ꓢꓲ꓾ ꓬꓲꓸ ꓪ ꓫꓵꓻ ꓟꓳ ꓔꓯ ꓡꓯꓼ ꓙꓱ ꓖꓶ ꓠꓹ ꓟ ꓥ ꓟꓲ ꓙ ꓟꓳ ꓔꓸ ꓡꓳ꓿
ꓬꓲ-ꓢꓷ-ꓡꓰ ꓐꓰ ꓧ-ꓟ-ꓢꓲ ꓠꓬꓲꓽ ꓗꓴꓸ ꓚꓸ ꓗꓪ ꓢꓲ ꓡꓲꓹ ꓟ ꓚꓱꓹ ꓒꓬꓱꓼ ꓡ ꓠꓹ ꓟ ꓬꓰ ꓙ ꓢꓴ ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓥ ꓟꓲ ꓬꓲ-ꓢꓷ-ꓡꓰ ꓗꓴꓷꓽ ꓗꓪ ꓙꓰ ꓛꓲ ꓢꓲ꓾ ꓗꓴꓷꓼ ꓜꓲꓼ ꓓꓴ ꓗꓪ ꓫꓸ ꓕꓱ ꓔꓬ ꓡꓳ꓿
