ꓔ-ꓠꓰ-ꓔ-ꓣꓲ ꓟꓵꓽ ꓫꓴ꓾ ꓟꓰꓼ ꓡꓳ ꓒꓱ ꓗꓪ ꓟꓳ-ꓓꓳ ꓢ-ꓗꓯ ꓕꓲ ꓗꓸ ꓗꓪ ꓞꓳ ꓑꓸ ꓤ 2 ꓣꓳ ꓜꓶꓽ ꓪ ꓠꓹ ꓟ ꓐꓱ ꓶ ꓬꓲꓸ ꓪꓴꓸ ꓟꓬꓱꓺ ꓓꓵꓽ ꓒꓵꓽ 10000 ꓒꓯꓼ꓾ ꓝꓮꓲ ꓦ ꓐ ꓕꓲ ꓟ 5000 ꓒꓯꓼ ꓐꓶ ꓠꓹ ꓟ ꓚꓱꓹ ꓙ ꓖꓶ ꓔꓸ ꓡꓳ ꓐꓰ ꓓꓳꓽ ꓜꓳ ꓡ ꓡꓳ=
ꓟꓰꓼ ꓡꓳ ꓒꓱ꓾ ꓟꓰꓼ-ꓔꓳ ꓘꓹ ꓗꓪ ꓙꓳ ꓟ ꓟꓳ-ꓓꓳ ꓠꓽ ꓔꓶꓸ ꓗꓪ ꓐꓰ ꓘꓹ ꓕꓲ ꓚꓳ ꓡꓳ ꓗꓪ ꓙꓰ ꓙꓰ ꓡꓽ ꓡꓽ ꓬꓰ_ ꓟ ꓗꓪ꓾ ꓕꓱ ꓡꓱ ꓜꓶꓽ ꓪ ꓠꓹ ꓟ ꓠꓬ ꓟꓳ-ꓓꓳ ꓢ-ꓗꓯ ꓫꓵꓸ ꓜꓴ (ꓔꓮꓫꓲ) ꓒꓴ ꓗꓷ ꓟ ꓥ ꓡꓳ ꓐꓰ꓾ ꓜꓴ ꓧꓳꓽ ꓢꓴ ꓳ-ꓟꓮꓳ-ꓟꓮꓳ ꓡꓰ ꓐꓯ ꓡꓳ=
“ꓟꓳ-ꓓꓳ ꓢ-ꓗꓯ ꓫꓵꓸ ꓒꓽ (40) ꓣꓳ ꓔꓺ ꓡꓯ ꓘꓳ ꓢꓲꓸ ꓜꓴ ꓒꓴ ꓗꓷ ꓟ ꓥꓳ= ꓕꓱ ꓗꓪ ꓟꓳ-ꓓꓳ ꓢ-ꓗꓯ ꓫꓵꓸ ꓜꓽ ꓢꓴ ꓐꓴ ꓟꓬꓱꓽ ꓬꓰ ꓗꓸ ꓘꓳ ꓠꓹ ꓟ ꓥꓳ” ꓐꓰ ꓳ-ꓟꓮꓳ-ꓟꓮꓳ ꓡꓰ ꓐꓯ ꓡꓳ=
ꓗꓴꓷꓼ ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓐꓴ ꓡꓰ 11 ꓦ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓳ-ꓓꓳ ꓢ-ꓗꓯ ꓗꓪ ꓤ ꓑꓸ ꓤ 2 ꓣꓳ ꓜꓶꓽ ꓟꓽ ꓓ ꓐꓰ ꓕꓵꓼ ꓪ ꓓꓳ ꓔꓸ ꓟ ꓥ ꓡꓳ=
ꓜꓴ ꓕꓱ ꓟ ꓗꓪ ꓓꓵꓽ ꓢꓴ ꓠꓬ ꓢ-ꓗꓯ ꓕꓵꓼ ꓪ꓾ ꓢ-ꓗꓯ ꓫꓵꓸ ꓕꓵꓼ ꓪ꓾ ꓟꓸ-ꓐꓳ-ꓓꓲ (ꓬꓲꓸ ꓚꓬꓼ)꓾ ꓞꓳ ꓘꓹ ꓞꓳ ꓪꓴꓽ ꓗꓪ ꓐꓰ ꓔꓳꓹ ꓙ ꓕꓳ ꓶ꓾ ꓑꓳꓡꓲꓚꓰ ꓗꓪ ꓐꓰ ꓔꓳꓹ ꓙ ꓕꓳ ꓶ ꓐꓰ꓾ ꓜꓵ ꓓꓵꓽ ꓒꓵꓽ 10000 ꓒꓯꓼ꓾ ꓐꓰ ꓦ ꓐ ꓕꓲ ꓟ ꓡꓲꓸ ꓕꓲ ꓟ 5000 ꓒꓯꓼ ꓖꓶ ꓙꓰ ꓠ ꓗꓹ ꓡꓳ ꓐꓯ ꓡꓳ=
ꓢꓳꓴꓣꓚꓰꓽ ꓟꓲꓜꓜꓮꓟꓮ
