ꓠꓲꓖ ꓗꓴꓷꓼ ꓙꓵꓽ ꓜꓴ ꓤ ꓟꓶ ꓤ ꓐꓰ꓾ꓞꓳ ꓡꓯꓸ ꓐꓰ ꓤ ꓠꓱ ꓐꓴ ꓔꓯ ꓟꓳꓸ ꓢꓲꓽ ꓟ ꓓ ꓟ ꓢꓴ-ꓢ-ꓠ ꓡꓼ-ꓡꓼ-ꓢꓴꓸ ꓠꓬ Free Burma Rangers ꓡꓰ ꓖꓶˍ ꓟ ꓑꓶꓸ ꓢꓴ ꓫꓵꓺ ꓘꓴꓸ ꓟꓬꓱ ꓓꓳꓽ ꓡꓯꓼ ꓫꓴ (FBR Gold Medal) ꓪ ꓬꓰꓳ꓿
ꓫꓸ ꓟ ꓦꓬꓼ ꓠꓬꓲ ꓗꓢ ꓑ ꓫꓬ ꓐꓰ ꓕꓲ ꓛꓳ ꓔꓬ ꓢꓲ꓾ ꓑ ꓫꓬ ꓐꓱ ꓶ ꓑꓶꓸ ꓑꓶꓸ ꓟꓬꓱꓽ ꓬꓰ ꓟ ꓑꓶꓸ ꓓꓴ ꓕꓱ ꓡꓱ ꓖꓶˍ ꓟ ꓥꓳ ꓐꓰ ꓡꓲꓹ ꓗꓷ ꓟꓶ ꓓꓴ꓾ ꓔꓱꓹ ꓜꓳ ꓟ ꓐꓰ ꓢꓲ ꓡꓲꓹ ꓟ ꓐꓱ ꓶ ꓢꓯꓼ ꓕꓵꓼ ꓔꓬ ꓟ Free Burma Rangers ꓜꓴ ꓡꓰ ꓐꓯ ꓔꓸ ꓡꓳ꓿
ꓬꓲ ꓠꓬ 2020 ꓘꓳꓼ ꓢꓲꓻ ꓣꓴ ꓑꓮꓲ ꓗꓪ ꓬꓥ-ꓖꓳꓥ ꓟꓵꓽ ꓗ-ꓬꓲ ꓞꓳ ꓫꓵꓽ ꓔꓯ ꓟꓳꓸ ꓫꓵꓽ ꓢꓲꓽ ꓟ ꓠꓬꓹ ꓖꓴ (ꓠꓬꓲ ꓖꓴ) ꓐꓱ ꓶ 71.75% ꓪ ꓢꓲ꓾ ꓢꓲꓻ ꓣꓴ ꓟꓶ ꓔꓸ ꓢꓴ ꓥ ꓡꓳ꓿
ꓧꓶꓸ ꓕꓯ ꓬꓲ ꓠꓬ ꓗ-ꓬꓲ ꓤ ꓟꓶ ꓤ ꓜꓴ ꓗꓪ ꓥ ꓟꓲ ꓧꓳꓽ ꓪꓴꓸ ꓟꓴ ꓢꓴ ꓬꓰ ꓗꓷ ꓢꓴ ꓥ ꓡꓳ꓿
