ꓢꓴ ꓠꓰ ꓟꓬ-ꓟ ꓑ ꓫꓬ ꓔꓯ ꓫꓱꓸ ꓤ ꓢꓲꓸ ꓬꓰ ꓙ ꓡˍ ꓟ ꓒꓴ ꓔꓯ ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ ꓬꓲꓸ ꓫꓴꓸ ꓖꓳꓻ ꓠꓲꓹ ꓫꓵ ꓡꓳ꓾ ꓐꓰ ꓗ-ꓐꓳ-ꓓꓲ-ꓬ ꓢꓲꓽ ꓒꓽ ꓑ-ꓣꓼ-ꓢ-ꓘꓳꓥꓸ ꓡꓰ 2022 ꓘꓳꓼ 5 ꓦ 6 ꓠꓬꓲ ꓕꓯꓽ ꓐꓯ ꓢꓷꓸ ꓩꓴ ꓡ ꓡꓳ꓿
“ꓟꓽ ꓪꓽ ꓓꓴ ꓙꓳˍ ꓟꓲ ꓡꓳꓺ ꓔꓸ ꓢꓲꓸ ꓟꓬ-ꓟ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳꓹ ꓙ ꓓꓴ ꓢꓯꓼ ꓕꓵꓼ ꓡꓯ꓿ ꓟꓵꓽ ꓓꓽ ꓟ 2 ꓟ ꓗꓪ ꓔꓬ ꓢꓴ ꓔꓯ ꓬꓰ ꓙ ꓓꓴ ꓢꓪꓼ ꓔꓬ ꓡꓳ꓿ ꓕꓲ ꓐꓱ ꓠꓽ ꓠꓰ ꓟꓯꓼ ꓗꓪ ꓚꓳꓸ ꓕꓲ ꓝꓸ ꓔꓯ ꓟꓽ ꓥ꓾ ꓠꓴꓖ ꓗꓪ ꓚꓳꓸ ꓖꓶ ꓠꓲꓹ ꓫꓵ ꓢꓴ ꓙꓳˍ ꓥ꓿ ꓖꓪ ꓙꓱ ꓫꓸ ꓓꓴ ꓙꓳˍ ꓟꓲ ꓕꓲ ꓐꓱ ꓠꓽ ꓪꓽ ꓬꓰꓳ꓿ ꓬꓰ ꓙ ꓒꓴ ꓔꓯ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰꓽ ꓬꓲꓸ ꓫꓴꓸ ꓖꓳꓻ ꓠꓲꓹ ꓫꓵ ꓟ ꓔꓯ ꓟꓽ ꓖꓳꓻ ꓠꓹ ꓟ ꓐꓯ ꓪꓽ ꓗꓷꓳ꓿” ꓐꓰ ꓖꓪ ꓙꓱ ꓜꓲꓼ ꓓꓴ ꓓꓳ ꓡꓰ ꓕꓯꓽ ꓢꓲꓽ ꓒꓽ ꓑ-ꓣꓼ-ꓢ-ꓘꓳꓥꓸ ꓡꓰꓽ ꓓꓳꓽ ꓐꓯ ꓒꓬꓱ ꓩꓴ ꓡ ꓡꓳ꓿
ꓜꓲꓼ ꓓꓴ ꓖꓳ ꓟ ꓗꓪ ꓟꓬ-ꓟ ꓟꓯꓼ ꓗꓳ-ꓢꓰ ꓕꓲ ꓒꓳꓹ ꓗꓪ ꓐꓰ ꓳꓸ-ꓗꓳ-ꓗꓳ-ꓡꓮꓲꓽ ꓜꓲꓼ ꓔꓬ ꓢꓲꓸ ꓫ3ꓸ ꓤꓼ ꓬꓰ ꓙ ꓒꓴ ꓔꓯ ꓬꓲꓸ ꓫꓴꓸ ꓖꓳꓻ ꓠꓹ ꓟ ꓢꓷꓸ ꓡꓰ ꓝꓲ ꓩꓴ ꓡ ꓟ ꓥ ꓡꓳ꓿
